Сэканд-хэнд. Калісьці людзі звярталіся да яго, каб проста танна набыць фірмовыя і рабочыя рэчы, а зараз гэта папулярны экалагічны трэнд (асабліва ў моладзі). Якія сакрэты трэба ведаць, каб і добрую вопратку атрымаць, і прыродзе дапамагчы?
Паглядзіце, ці ёсць дэфекты: адарваныя гузікі, плямы, дзіркі, зламаныя замкі і г. д. Падумайце, ці гатовыя вы да рамонту і таго, колькі ён будзе каштаваць, і толькі потым прымайце рашэнне. Часам адзенне і абутак, якія доўга выкарыстоўвалі, не атрымліваецца аднавіць. Напрыклад, калі боты змянілі сваю форму пад стапу папярэдняга ўладальніка.
У добрых сэканд-хэндах звычайна чыста, адзенне размеркавана па катэгорыях «мужчынскае», «жаночае», «дзіцячае», ёсць прымерачныя з люстэркамі, сейфы для пакупак і асабістых рэчаў. Можна ўзяць кошык, тачку, каб не цягаць кілаграмы ўпадабанай вопраткі ў руках.
Кошт тавараў у сэканд-хэндах увесь час мяняецца. Самыя дарагія яны ў дзень прывозу, потым цана паступова зніжаецца. Нарэшце аб’яўляюць распродаж, аднак на яго лепш не прыходзіць: давядзецца шмат стаяць у чэргах, і добрыя рэчы хутка расхапаюць. Каб няспешна перабраць асартымент, паспрабуйце дачакацца зніжак у 40–60%. Такі падыход, асабліва разам з падрыхтаваным загадзя спісам неабходнага, дазваляе пазбегнуць залішніх пакупак.
Падрабязней аб тым, якія рэчы лепш не браць у сэканд-хэндах, што такое своп, і іншых цікавых экаініцыятывах чытайце ў свежым нумары часопіса «Родная прырода».
А яшчэ «Родная прырода» — гэта сапраўдная скарбніца ведаў аб жывёльным і раслінным свеце нашай краіны, шыкоўныя фота ад найлепшых фотамайстроў-натуралістаў. Для вашых малых — дадатак «Юны натураліст», па якім дзеці не толькі асвойваюць азы экалагічнай адукаванасці, — у ім ёсць рэбусы, расфарбоўкі, іншыя карысныя актыўнасці, якія навучаць малога чалавека з павагай і клопатам ставіцца да ўсяго жывога.
Александрына ПАРШЫНА
Прэв’ю: pixabay.com
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.