Тэатральны фестываль «УMOЎNO», шоу пад дажджом, спектакль «Алеся», выстава «Усё з’яўляецца чымсьці іншым», сямейны фільм «Хакейныя таты» і майстар-клас па лепцы з гліны — штотыднёвая афіша «Звязды».
Дзе: Бабруйск, Палац мастацтваў
Калі: 1 снежня
Колькі: ад 59 рублёў
Па шматлікіх просьбах гледачоў Санкт-Пецярбургскі тэатр танца «Спакуса» прадставіць у Палацы мастацтваў свой новы танцавальна-музычны спектакль «Шоу пад дажджом "І дзе, ..., шчасце?"».
У ім будуць прадстаўлены танцавальныя нумары ў спалучэнні з маналогамі акцёра на актуальныя тэмы, прыпраўленыя гумарам і пазітывам.
Галоўны герой разам з гледачом будзе шукаць тое шчасце, да якога яны так доўга імкнуліся.
Зліццё танцавальнага майстэрства і прамоўніцкага мастацтва акуне гледача ў атмасферу энергіі і драйву, гумару і пазітыву, рамантыкі і любові! Фінальная частка шоу выканаецца пад патокамі вады! Дадзены псіхалагічны спектакль дапаможа гледачу адчуць сябе крышачку больш шчаслівым!
Аўтар і рэжысёр — Рустам Надыршын.
Дзе: Брэст, кінатэатр «Беларусь»
Калі: 26 лістапада
Колькі: ад 7.50 рублёў
Андрэй — трэнер дзіцячай хакейнай каманды маленькага правінцыйнага гарадка. Спакойнае жыццё героя парушае вестка пра тое, што адзіны ў горадзе лядовы палац, дзе ён трэніруе дзяцей, збіраюцца знесці. Адзіная магчымасць яго выратаваць — перамагчы ў аматарскім турніры па хакеі. У Андрэя ёсць усяго некалькі месяцаў для таго, каб сабраць каманду і падрыхтаваць яе да гульняў. Бацькі маленькіх хакеістаў вырашаюць самі выйсці на лёд і пазмагацца за будучыню сваіх дзяцей.
Ролі выконваюць: Аляксандр Абласаў, Аляксей Бардукоў, Аляксей Краўчанка, Ганна Чыпоўская, Паліна Гагарына, Сяргей Перагудаў, Юрый Чурсін.
Жанр: Дзіцячы/Сямейны, спартыўны фільм
Дзе: Полацкі гарадскі Палац культуры, Цэнтр культуры «Полацк»
Калі: 24- 26 лістапада
24 — 26 лістапада 2023 г. у Полацкім гарадскім Палацы культуры і Цэнтры культуры «Полацк» адбудзецца тэатральны фестываль «УMOЎNO». Яго мэта — абмен вопытам у тэатральных эксперыментах і накірунках на шляху да тэатра будучыні.
У першы дзень фестывалю, 24 лістапада, госці змогуць атрымаць задавальненне ад спектакляў «Радзівіл» і «Час Тарцюфа», якія прызначаны для дзяцей ад 12 гадоў, у выкананні віцебскага народнага маладзёжнага тэатра «Кола».
На наступны дзень увазе гледачоў будуць прадстаўлены некалькі пастановак. Напрыклад, мюзікл для ўсёй сям’і «Дзінь-дон, я ваша мама!» пакажа тэатральная кампанія «Мюзіклэнд» з Мінска. Таксама гасцей фестывалю запрашаюць на меладраму «Лаўка» творчага тэатральнага праекта «ГрыМ» (Наваполацк).
У заключны дзень тэатральнага фестывалю на сцэне пакажуць трагікамедыю «Той самы Мюнхгаўзен» узорнага тэатра-студыі «Паралель» (Баранавічы) і камедыю «У галоўнай ролі — Этэль П.Сэвідж» заслужанага аматарскага калектыву Рэспублікі Беларусь драматычнага тэатра «Відарыс» (Барысаў).
Дзе: Брэст, Брэсцкі акадэмічны тэатр драмы
Калі: 29 лістапада
Колькі: ад 10 рублёў
Лёс закінуў Івана Цімафеевіча на цэлых шэсць месяцаў у глухую вёсачку Пераброд на ўскраіну Палесся. Нуда, нязвыклыя звычаі і цёмныя сяляне... Так бы і мучыўся Іван Цімафеевіч, калі б не даведаўся аб прышлай ведзьме, што жыве на балоце разам са сваёй унучкай Алесяй. Вясковы народ, поўны забабонаў і трывог, калісьці выгнаў іх з вёскі. Але ці дакладна кажуць, што яны злыя ведзьмы? Або Алеся з бабуляй ўсяго толькі ахвяры прадузятасцяў?
Аповесць «Алеся» — адна з самых дарагіх сэрцу Купрына твораў. Рэжысёр спектакля, Цімафей Ільеўскі, напісаў арыгінальную інсцэніроўку класічнага твора. У ёй ён закрануў глыбінныя страхі людзей перад невядомым і з асаблівым трагізмам паказаў гісторыю кахання галоўных герояў, раздзеленых непераадольнымі супярэчнасцямі.
Інсцэніроўка, пастаноўка і музычнае афармленне: Цімафей Ільеўскі
Мастак-пастаноўшчык: Мікалай Палтарака
Пластыка: Вольга Клімук
Працягласць: 2 гадзіны 40 хвілін (з антрактам)
У ролях: заслужаная артыстка Беларусі Тамара Ляўчук,Таццяна Васількова, Аляксей Шчарбакоў, Міхаіл Ільіч, Алег Бузук, Тамара Маісеенка, Генадзь Чурыкаў, Вячаслаў Цыцкоўскі.
Дзе: Мінск, Новы тэатр
Калі: 3 снежня
Колькі: ад 20 рублёў
Падзеі камедыі палажэнняў па п’есе Івана Аліфанава разгортваюцца ў арандаваным доме ў прыгарадзе Рыміні. Бліскучая кар’ера ў буйной фірме «Інтэса Санпаола», здавалася, ужо сама імчыцца насустрач сеньёру Фабрыцыа. Грунтоўна падрыхтаваўшыся да сустрэчы з Джуліяй Гведзічы, менеджарам па кадрах, ён упэўнены ў стопрацэнтным поспеху гутаркі. Інакш, проста не можа быць... У такога абаяльнага трыццацігадовага разумніка, знаўцы юрыспрудэнцыі...
Ці можа?!
Падрыхтоўку да важнай падзеі, спыняе сябар Ларэнца, які раптам з’явіўся і неасцярожна закруціў раман па інтэрнэт перапісцы з сястрой сіцылійскага мафіёзі. Ларэнца на каленях моліць Фабрыцыа выратаваць яму жыццё…
Дзе: Мінск, «Мулен Руж» (вул. Кальварыйская, 1)
Калі: 26 лістапада
Колькі: ад 70 рублёў
Яркае гучанне афра-блюзу захапляе тысячы слухачоў!Любімая соўл-дзіва з Лондана з прэм’ерай: «Шэдэўры спірычуэлс» — 26 лістапада ў Мінску!
Яе чароўны голас пазнаецца з першых нот: цудоўныя рытмы Афрыкі і пачуццёвы блюз «Лондана з вышыні палёту птушкі» імгненна ахінае слухачоў.
Спевы Акілы Ферон зачароўваюць, ствараючы неверагодна пазітыўную атмасферу. Шматлікія хіты, сярод якіх Back In the Game або Amazing Grace, збіраюць велізарную аўдыторыю. Яна — геній імправізацыі, добра вядомая меламанам свету.
Не прапусціце канцэрт адной з самых яркіх і неардынарных выканаўцаў сучаснасці, бо яе сонечная музыка — гэта тое, што трэба кожнаму напярэдадні зімы!
Дзе: Мінск, арт-прастора Flame Place (вул. Машэрава, 9/8)
Калі: 27 лістапада
Алена Хаценка — мастачка, якая раскрывае шматаблічнасць прыроды, свету, яго кожнага асобнага элемента. Пад яе ўважлівым поглядам самыя звычайныя рэчы становяцца чымсьці іншым, пачынаюць распавядаць дзівосныя гісторыі самі пра сябе. Малое становіцца вялікім, а вялікае — малым. Кузуркі падобныя на людзей, а людзі — на кузурак. І ўжо не зразумела пра каго ідзе гаворка: пра людзей, вусеняў, пра палі, бульбу або пра космас.
Алена працуе ў змяшанай тэхніцы, яе прыцягвае разнастайнасць тактыльных матэрыялаў, якую яна сплятае ў адзіны візуальны вобраз. Складаныя па фактуры творы мастачкі адлюстроўваюць разнастайнасць навакольнага свету. Тэкстыль, ніткі, гліна пераплятаюцца пласт за пластом, нараджаюць аб’ёмную паверхню і ствараюць глыбіню. Праца над творам займае шмат часу, таму мастачка пражывае маленькае жыццё з кожным з іх. На выставе гледача чакаюць працы аўтара за апошнія 10 гадоў.
Дзе: Хойнікі, Хойніцкі раённы краязнаўчы музей
Калі: 30 лістапада
Гісторыя Старажытнага Егіпта – гэта загадкавы і фантастычна цікавы свет, які на працягу многіх гадоў прыцягвае да сябе многіх людзей, якія імкнуцца спасцігнуць і разгадаць таямніцы. На выставе наведвальнікам будуць прадстаўлены аб’ёмныя мадэлі помнікаў культурна-гістарычнай спадчыны Старажытнага Егіпта.
Экспазіцыя прыадкрые заслону таямніцы загадкавага сфінкса і велічных магільняў фараонаў Эхнатона і Тутанхамона, а таксама раскажа цікавую легенду аб прыгажуні Неферціці і ўяўленнях егіпцян аб міфічным замагільным свеце, таінстве муміфікацыі. Апроч таго вас чакае інтэрактыўная зона «археалагічныя раскопкі», якая дазволіць адчуць сябе сапраўдным егіптолагам.
Дзе: г. Гомель, плошча Леніна, 4
Калі: 25 лістапада
Колькі: 15 рублёў
Майстар-клас адбудзецца 25 лістапада ў 11:00 у філіяле Веткаўскага музея стараабрадніцтва і беларускіх традыцый імя Ф. Р. Шклярава. Усе неабходныя матэрыялы прадастаўляюцца музеем. Пажадана ўзяць з сабой спецыяльны фартух або зменную вопратку (якую нястрашна запэцкаць), і заколку, каб прыбраць доўгія валасы.
Узрост: ад 12 гадоў.
Абавязкова неабходны папярэдні запіс па тэлефоне +375(232)509698 і перадаплата ў філіяле музея.
Дзе: Мінск, ГЦ Palazzo
Калі: 26 лістапада
Мінскі музей навукі Экспірыментус прадстаўляе вашай увазе выставачны праект: АНАТОМІКУС.
Калі вам не даводзілася бываць у анатамічных музеях або кунсткамеры, то разглядаць экспанаты на гэтай выставе будзе вельмі цікава. Але надта ўражлівым варта быць асцярожнымі. Узроставых абмежаванняў на наведванне выставы няма.
Праект умоўна дзеліцца на 4 часткі:
Прэв’ю: pixabay.com
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».