Адной з тэм сумеснага пасяджэння Савета міністраў замежных спраў, Савета міністраў абароны і Камітэта сакратароў саветаў бяспекі краін дзяржаў-удзельніц АДКБ стала ваенна-палітычнае становішча ў рэгіёне, перадае БелТА.
Перагаворы дэлегацый праходзяць напярэдадні саміту АДКБ, які правядуць у беларускай сталіцы 23 лістапада. На парадку дня сумеснага пасяджэння — ваенна-палітычнае становішча ў рэгіёнах калектыўнай бяспекі і работа арганізацыі ў міжсесійны перыяд, прыярытэтныя напрамкі дзейнасці ў перыяд маючага адбыцца старшынства ў АДКБ Казахстана.
Як паведамлялася, 23 лістапада ў Мінску пад старшынствам Прэзідэнта Беларусі Аляксандра Лукашэнкі адбудзецца сесія Савета калектыўнай бяспекі (СКБ) АДКБ. Члены СКБ абмяркуюць актуальныя праблемы міжнароднай і рэгіянальнай бяспекі, вызначаць наступныя задачы, а таксама прымуць шэраг дакументаў, накіраваных на забеспячэнне інтарэсаў калектыўнай бяспекі.
20 лістапада Аляксандр Лукашэнка сустрэўся з генеральным сакратаром АДКБ Імангалі Тасмагамбетавым. Кіраўнік дзяржавы канстатаваў наяўнасць няпростага перыяду на постсавецкай прасторы. Перш за ўсё гэты перыяд характарызуецца некаторымі канфліктнымі сітуацыямі на гэтай прасторы, у тым ліку ў зоне адказнасці арганізацыі.
«Але мы да гэтага гатовыя, і я спадзяюся, што дадзенае мерапрыемства ў рамках ваенна-палітычнай арганізацыі ў Мінску будзе як раз спрыяць нарошчванню нашых намаганняў па абароне і бяспецы членаў АДКБ», — заявіў Прэзідэнт.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
