Восеньскія канікулы сёлета працягнуцца не як звычайна 8 дзён, а цэлых 10 — з 29 кастрычніка па 7 лістапада ўключна.
У час канікул пры школах ствараюцца лагеры, каб вучні праводзілі адпачынак цікава і карысна. Напрыклад, на базе дзяржаўнай установы адукацыі «Сярэдняя школа № 206 імя А. М. Кіжаватава г. Мінска» працуе школьны аздараўленчы лагер «Сонейка». У ім створаны два атрады, адзін з іх патрыятычнай накіраванасці — «Юны патрыёт».
— Наша школа носіць імя героя-пагранічніка Андрэя Кіжаватава. Таму традыцыя лагера — пачынаць змену з наведвання музейнага пакоя, — расказала кіраўнік школьнага аздараўленчага лагера «Сонейка» Аксана Кавалёва. — Экспазіцыя музея ўключае стэнды, прысвечаныя генацыду беларускага народа, воінам-інтэрнацыяналістам, якія ваявалі ў Афганістане, а таксама воінам-пагранічнікам.
Праграма вельмі разнапланавая: наведванне музеяў, тэатраў і кінатэатраў. З дзецьмі праводзяцца штодзённыя мерапрыемства па патрыятычным выхаванні: інтэрактыўныя гутаркі «Мая Радзіма — Рэспубліка Беларусь», «Мінск — сталіца нашай Радзімы»; конкурс малюнкаў «Дзяржаўная сімволіка Рэспублікі Беларусь». Выхаванцы бяруць удзел у спартыўным жыцці раёна: спартландыя «Тэрыторыя спорту», у якой занялі ганаровае другое месца. У вольны час дзеткі з задавальненнем займаюцца тхэквандо, бо гэты від спорту дазваляе развіваць самакантроль, волю да перамогі і дысцыпліну, — дапоўніла яна.
— На працягу дня дзеці ў прышкольным лагеры могуць адпачыць, пагуляць, пабываць на розных экскурсіях, пагутарыць з аднакласнікамі і атрымаць асалоду ад смачнай ежы у школьнай сталовай, — падзялілася інфармацыяй Аксана Кавалёва.
Кацярына УРБАН
Фота аўтара
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».