Божая кароўка. Чым карысная для саду і агарода і як яе прыцягнуць

Каму ж з нас не знаёмы гэты мілы чырвоны жучок у чорную крапінку — божая кароўка. Гэтых насякомых існуе велізарная колькасць відаў, і колькасць кропак на іх спінках, вядома ж, зусім не азначае, колькі ім гадоў. Гэта проста казка з дзяцінства. Хутчэй за ўсё, колькасць плямак азначае прыналежнасць божай кароўкі да таго ці іншага віду.

Сярод божых каровак ёсць і шкоднікі садовых раслін, напрыклад, 28-мікропкавая бульбяная божая кароўка.

Самы распаўсюджаны від — сямікропкавая божая кароўка, пра якую і пойдзе гаворка.

Карысць божай кароўкі для садаводаў складаецца ў знішчэнні вялікай колькасці агародных шкоднікаў — тлі, лістаблошак, кляшчоў, шчытовак. Таму божых каровак трэба прыцягваць у свой сад.

З тлёй паспяхова распраўляюцца не толькі дарослыя асобіны божых каровак, але і іх лічынкі.

Божыя кароўкі любяць некаторыя расліны, якія можна вырошчваць у садзе, тым самым прыцягваючы карысных насякомых.

Гэта:

• кроп — наўрад ці які агарод абыходзіцца без яго;
• крываўнік — цяпер выведзены даволі дэкаратыўныя сарты гэтай расліны;
• дзьмухавец — расліна не толькі прыцягне божых каровак, але і дасць матэрыял для касметычных масак або прыгатавання варэння;
• бабовыя культуры.

Калі вы хочаце прыцягнуць на свой участак божых каровак, не варта захапляцца апрацоўкай саду хімічнымі сродкамі.

А можна і проста сабраць божых каровак дзе-небудзь на лузе і прынесці на свой участак.

На зіму божыя кароўкі могуць знайсці сабе прытулак пад карой дрэў, яны залазяць пад апалае лісце, а часам і прабіраюцца ў будынкі ды ўладкоўваюцца на зімоўку тут.

Ірына ТАМКОВІЧ