У Беларусі стаўкі па крэдытах у чэрвені 2023 года прадоўжылі зніжацца на фоне далейшага запаволення гадавой інфляцыі. Аб гэтым сведчаць даныя, апублікаваныя на сайце Нацыянальнага банка, паведамляе БелТА.
Сярэдняя працэнтная стаўка па новых крэдытах банкаў, прадастаўленых юрыдычным асобам у беларускіх рублях (без уліку льготных), у чэрвені 2023 года склала 8,2 працэнта гадавых, знізіўшыся ў параўнанні з папярэднім месяцам на 0,3 працэнтнага пункта. Такім чынам, крэдыты становяцца больш даступнымі для фінансавання бягучай і інвестыцыйнай дзейнасці, што стварае спрыяльныя магчымасці для росту эканомікі.
Для фізічных асоб сярэдняя працэнтная стаўка па новых крэдытах (без уліку льготных) у чэрвені 2023 года склала 10,5 працэнта гадавых, зменшыўшыся да папярэдняга месяца на 0,1 працэнтнага пункта.
Сярэдняя працэнтная стаўка па новых тэрміновых укладах (дэпазітах) фізічных асоб у беларускіх рублях у чэрвені 2023 года склала 8,3 працэнта гадавых, практычна не змяніўшыся ў параўнанні з папярэднім месяцам.
Па-ранейшаму найбольш прывабны ўзровень даходнасці банкі прапануюць па доўгатэрміновых безадзыўных дэпазітах. Сярэдняя працэнтная стаўка па новых банкаўскіх укладах (дэпазітах) насельніцтва ў беларускіх рублях на тэрмін звыш года ў чэрвені 2023 года склала 11,45 працэнта гадавых.
Прэв’ю: БелТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
