Старшыня Савета Рэспублікі Наталля Качанава 14 ліпеня наведала вёску Чудзенічы Лагойскага раёна. У цэнтры ўвагі — азнаямленне з інфраструктурай, праца сацыяльных аб’ектаў і, вядома ж, зносіны з мясцовым насельніцтвам аб жыцці ў вёсцы, паведамляе БелТА.
Наталля Качанава, у прыватнасці, наведала Чудзеніцкі дзіцячы сад Лагойскага раёна, пагутарыла з кіраўніцтвам, педагогамі і работнікамі сталовай дзіцячай дашкольнай установы. «Педагогаў заўсёды можна прыводзіць у прыклад. Я гэта кажу на прадпрыемствах. Яны многае робяць самі», — адзначыла Наталля Качанава.
Вёска Чудзенічы размешчана паблізу сталіцы. «Вядома, людзі тут будуць жыць. Трэба, каб толькі былі ўмовы: дзіцячы сад, школа, магчымасць наведваць гурткі», — падкрэсліла спікер.
«Эмоцыі перапаўняюць. З’явілася яшчэ больш працоўнага настрою. Вельмі рады, што нас наведалі, пахвалілі, і цяпер будзем працаваць з яшчэ большай сілай і упэўненасцю, — распавяла загадчыца Чудзеніцкага дзіцячага садка Таццяна Ставер пасля сустрэчы са старшынёй Савета Рэспублікі. — У прынцыпе, нам хапае ўсяго. Працаваць. Дзеткі ходзяць, бацькі нам таксама дапамагаюць. Усе праблемы вырашаюцца».
У рамках рабочай пятніцы Наталля Качанава наведае таксама і іншыя населеныя пункты Мінскай і Віцебскай абласцей.
Прэв’ю: БелТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
