Спатрэбіцца: малады кабачок — 1 шт., памідоры — 4 шт., часнок — 2 зубкі, кефір ці смятана — 100 мл, па пучку свежай рукалы, пятрушкі і кропу, соль і духмяны перац — на смак.
Вымыты і пачышчаны кабачок наразаюць тоненькай саломкай і злучаюць з долькамі памідораў, з якіх папярэдне выдалілі ўсё насенне. У тую ж місачку адпраўляюць сечаную зеляніну і здробнены часнок. Салату падсольваюць, запраўляюць духмяным перцам, заліваюць кефірам ці смятанай і змешваюць. Як правіла, гэту закуску падаюць да мясных страў.
Спатрэбіцца: мука пшанічная — 200 г, разрыхляльнік — 1 ч. л., цукар — 100 г, масла — 100 г, мята свежая — 30 г, яйка — 1 шт.
Муку высыпаць у глыбокую міску, дадаць да яе разрыхляльнік і добра змяшаць.
Мяту папярэдне варта старанна прамыць і высушыць. Затым усе лісточкі адлучыць ад сцяблінак і скласці ў міску.
У міску з мятай засыпаць цукар, разбіць яйка. Пасля гэтага блэндарам давесці гэтыя тры інгрэдыенты да аднастайнай масы. Могуць застацца невялікія кавалачкі лісточкаў мяты, але гэта нястрашна.
У атрыманую мятную сумесь дадаць мяккае масла, пасля чаго зноў пры дапамозе блэндара давесці масу да аднастайнасці.
Злучыць дзве сумесі: мятную і мучную. У выніку павінна атрымацца мяккае цеста.
Пры дапамозе чайнай лыжкі трэба браць невялікую колькасць цеста, фармаваць з яго акуратную аладку і класці на бляху, папярэдне засланую пергаментнай паперай.
Выпякаць смакату ў духоўцы, разагрэтай да 200 градусаў, на працягу 10—15 хвілін. Верх печыва не падрумяньваецца, яно толькі стане крыху буйнейшым і злёгку зменіць колер.
Найбольш удала гэтыя агуркі раскрываюць свой смак у салатах, такіх як аліўе ці вінегрэт. Таксама добрыя яны ў якасці закускі.
Спатрэбіцца: агуркі свежыя буйныя — 3 кг; соль буйная — 40 г на 1 літр марынаду; цукар — 2 ст. л. на 1 літр марынаду; перац гарошкам — 3 шт на 1 літровы слоік; гваздзікі — 2 шт. на 1 літровы слоік; лісце чорнай парэчкі, хрэну, лаўровы ліст, суквецці кропу — на смак; лімон — 1 шт. на літр вады; мята — 3-5 лісцікаў на літр вады.
Лепш браць буйныя агуркі і разразаць іх упоперак на 2—4 часткі.
Падрыхтаваныя агуркі скласці ў слоікі разам з зяленівам. Затым слоікі заліваюць кіпенем і накрываюць, пакідаюць на 15 хвілін.
Ваду зліваюць у рондаль, дадаюць соль, спецыі, парэзаныя кавалачкамі лімоны і галінкі мяты, даводзяць да кіпення. Агуркі зноў заліваюць кіпячым расолам і закатваюць слоікі. Пасля астывання прыбіраюць у склеп на захоўванне.
Лімон дадаецца з лупінай, гаркаты ён не дае, затое водар захоўваецца, і расол набывае прыгожы колер.
Калі любіце саладзейшыя агурочкі, можна павялічыць норму цукру ў два разы (4 ст. л. на літр вады).
Па жаданні можна некалькі долек лімона пакласці ў слоік з агуркамі, для прыгажосці. Тады ў расол трэба дадаць менш лімона.
У яго асвяжальны і вельмі цікавы смак. А калі ў яго дадаць ром, то атрымаецца амаль сапраўдны «Махіта».
Спатрэбіцца: агрэст — 0,5 кг, цукар — 200 г, лімон — 2 кавалачкі, мятa.
У 3-літровы слоік насыпаем агрэст. Кладзём 3—5 вялікіх галінак мяты і два кружкі лімона. Заліваем слоік да верха кіпенем. Накрываем і пакідаем на 15—20 хвілін астываць. Затым ваду зліваем у каструлю і ставім кіпяціцца. У слоік насыпаем цукар. Калі вада закіпіць, заліваем зноў кіпенем да верха слоіка і закатваем. Гатовы кампот ахінаем коўдрай і пакідаем да поўнага астывання.
Калі абліць агуркі салёным кіпенем перад кансервацыяй, то яны атрымліваюцца прыгожага зялёнага колеру і хрумсткія.
Не важна, як менавіта будзеце саліць агуркі. Рэцэпт тут не мае значэння! Галоўнае — гэта падрыхтоўка агуркоў перад засолкай.
Агурочкі адбіраем, мыем і складаем у прыдатную тару. Можна зразаць кончыкі, калі вы так робіце. Цяпер агуркі неабходна абліць кіпячым салёным расолам. Прапорцыі такія: на 10 літраў вады — 500 г солі.
Абліваем агуркі салёным кіпенем, а потым адразу ж (!) перакладаем у ледзяную ваду. Трэба загадзя падрыхтаваць тару з ледзяной вадой. Калі ёсць лёд — то кладзіце яго ў ваду.
Ну а потым засольваем як звычайна. Дзякуючы такому рэзкаму перападу тэмператур лупіна агуркоў захоўвае свой яркі зялёны колер. Агурочкі атрымліваюцца хрумсткія і выглядаюць больш апетытнымі. На смак такія працэдуры зусім ніяк не ўплываюць.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
