Спатрэбіцца. Для цеста: мука пшанічная — 250 г, масла — 125 г, вада халодная — 50 мл, жаўток — 1 шт., соль — 0,5 ч. лыжкі. Для начынкі: снітка — 350 г, сыр тварожны — 250 г, яйка — 1 шт. +2 жаўткі, вяршкі 20% — 200 мл, цвёрды сыр — 40 г, мускатны арэх і чорны перац — па 2 каліва, соль — на смак, часнок — 2-3 зубкі (неабавязкова), алей для смажання.
Для цеста прасейваем муку праз сіта, дадаём соль. Масла наразаем на невялікія кубікі, дадаём да мукі і пачынаем секчы яго нажом і змешваць з мукой да ўтварэння аднастайнай крошкі.
Халодную ваду змешваем з жаўтком, а потым злучаем з маслена-мучной крошкай. Вымешваем цеста, абгортваем яго харчовай плёнкай і адпраўляем у халадзільнік на 30 хвілін.
Для прыгатавання супоў, соусаў і салатаў маладую снітку не трэба апарваць, але для начынкі пірага гэты крок абавязковы.
Апараную снітку адкідваем на друшляк і вельмі дробна рэжам (па жаданні можна дадаць трохі часнаку). Затым абсмажваем на алеі 3-4 хвіліны. Змешваем начынку з тварожным сырам і солім.
Дастаём цеста з халадзільніка, раскочваем яго і выкладваем у выглядзе кошыка ў форму для запякання. Затым наколваем цеста відэльцам па перыметры ўсяго дна. Засцілаем пякарскай паперай і ўсыпаем сухі боб (ці любы іншы «груз»). Адпраўлем на 15 хвілін у разагрэтую да 210 °С духоўку. Па заканчэнні гэтага часу выдаяем паперу з бобам і выпякаем яшчэ 5 хвілін.
Дастаём форму з духоўкі, выкладваем начынку са сніткі і тварожнага сыру.
Яйка і жаўткі змешваем з надзёртым сырам, вяршкамі, дадаём мускатны арэх і перац.
Заліваем пірог зверху і адпраўляем выпякацца ў духоўку на 35 хвілін пры тэмпературы 180 °С.
Крылы абсмажваюцца ў карамелі і набываюць румяную скарыначку. А часнок, піва і соевы соус надаюць ім выдатны смак і водар.
Спатрэбіцца: курыныя крылы — 1 кг, алей — 3 ст. л., цукар — 6 ст. л., часнок — 1 галоўка, соевы соус — 50 мл, піва — 0,3 літра.
Разагрэйце патэльню на сярэднім агні. Наліце ў яе раслінны алей і насыпце туды ж цукар.
Растапіце цукар да стану вельмі вадкай карамелі. Увесь час памешвайце масу.
Пакладзіце ў патэльню курыныя крылы. Змяшайце крылы так, каб яны ўсё пакрыліся карамеллю. Яны павінны стаць залацістага колеру. Абсмажвайце курыцу 3-5 хвілін. Затым дадайце дробна нарэзаны часнок.
Накрыйце вечкам і працягвайце гатаваць на слабым агні, перыядычна пераварочваючы крылы. Праз пяць хвілін заліце іх півам. Змяшайце і тушыце яшчэ 10-15 хвілін, не накрываючы патэльню.
Дадайце соевы соус, змяшайце і дачакайцеся, калі піва выкіпіць амаль цалкам.
Спатрэбіцца (на 25-30 цукерак): аўсяныя шматкі — 200 г, арэхі — 50 г, курага — 100 г, мёд — 20 г, алей — 20 г.
Здрабніце арэхі і курагу і злучыце іх у глыбокай місцы.
Дадайце аўсяныя шматкі, мёд і алей.
Дбайна змяшайце ўсе інгрэдыенты да ўтварэння аднастайнай масы.
Сфармуйце з атрыманай масы невялікія шарыкі ці іншыя формы цукерак па вашым гусце.
Размясціце іх на блясе, папярэдне пакрытай пергаментам.
Пастаўце бляху з цукеркамі ў разагрэтую да 180–200 градусаў духоўку.
Запякайце цукеркі да залацістай скарынкі, гэта звычайна займае 15-20 хвілін, але час можа змяняцца ў залежнасці ад памеру цукерак і асаблівасцяў вашай духоўкі.
Дайце цукеркам цалкам астыць перад падачай.
Калі змесціва цюбікаў ад крэмаў і зубных паст амаль заканчваецца і яго ўжо не атрымліваецца выціснуць, не спяшайцеся выкідваць цюбік. Проста разрэжце яго напалову, і вы ўбачыце, што ўнутры засталося яшчэ крыху сродку, які можна выкарыстоўваць некалькі разоў.
Палавінкі цюбіка лёгка злучаюцца, і змесціва не будзе высыхаць.
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
