Пасынкаванне таматаў, калі вы яго прыхільнік, варта праводзіць, пакуль парасткі-пасынкі, якія адрастаюць на галоўных сцёблах з месца росту лістоў, не дараслі да 5 см.
Калі хочаце атрымаць ранні ўраджай і больш буйныя плады — не трэба іх пакідаць, яны будуць цягнуць пажыўныя рэчывы на сябе.
Але такая фармоўка мэтазгодная, толькі калі ў вас маленькі ўчастак і таматы высаджаны загушчана або растуць у цяпліцы, дзе патрэбна хуткая аддача ўраджаю пры максімальнай шчыльнасці пасадак.
Паколькі ў большасці выпадкаў пакінутыя пасынкі хоць і могуць некалькі затрымаць паспяванне пладоў, але дазваляюць атрымаць на іх дадатковы ўраджай.
Так што асаблівай патрэбы іх выдалення пры вырошчванні таматаў у адкрытым грунце няма.
Дарэчы, калі ў вас ёсць цяпліца (расліны з пасынкаў дадуць ураджай пазней, і ў грунце ён можа не выспець), пасынкі высакарослых таматаў можна зрэзаць і ўкараніць, атрымаўшы новыя расліны.
Для нізкарослых дэтэрмінантных таматаў гэта непрымяняльна.
1. Тлустая, з арганічнымі ўгнаеннямі глеба для памідораў строга проціпаказаная. Таксама нельга пры пасадцы расады запраўляць лункі гноем або птушыным памётам. Інакш расліны пачнуць жыраваць у шкоду плоданашэнню. Да таго ж такія закормленыя расліны схільныя да захваральнасці на фітафтароз.
2. Не падкормлівайце таматныя расліны растворам каравяку часцей, чым 2-3 разы за сезон. Гэта толькі шкодзіць ім. Памятайце, што лепш недакарміць, чым перакарміць.
3. Як і празмернае ўнясенне арганікі, так і празмернае ўнясенне мачавіны для таматаў шкодна. Пры пасадцы расады не кладзіце мачавіну ў лункі і часта не палівайце ёю пасадкі — таматы гэтага не любяць. Калі ўжо і ўзнікне такая неабходнасць, апырсніце лісце таматаў растворанай у вадзе мачавінай у прапорцыі: 1 ст. лыжка на 10 л вады. Рабіць гэта можна толькі ў пачатку развіцця не пазней за першыя дні чэрвеня.
4. Як падкормліваць таматы. Першую падкормку таматаў, высаджаных у адкрыты грунт, лепш за ўсё правесці ў канцы мая або першай дэкадзе чэрвеня з разліку 1 ст. лыжка нітрафоскі, паўлітра каравяку, 1-2 таблеткі мікраўгнаенняў, 0,5 ч. лыжкі борнай кіслаты на 10 л вады. Пад кожны куст выліваюць па 1 л прыгатаванай угнаяльнай сумесі. Другую падкормку лепш за ўсё правесці ў пачатку ліпеня наступным складам: 1 ст. лыжка сульфату калію, паўлітра каравяку, 1-2 таблеткі мікраўгнаення на 10 л вады. Паліваюць таксама па 1 л угнаяльнай сумесі пад куст расліны.
5. З другой дэкады ліпеня трэба спыняць падкормку раслін, а паліваць толькі па меры неабходнасці, не дапускаючы рэзкіх перападаў вільготнасці глебы. З дадатковымі падкормкамі і палівамі больш нарошчваецца ліставая маса раслін і затрымліваецца паспяванне пладоў, якія ўжо ўтварыліся. Масавае паспяванне пладоў хутчэй праходзіць не на тлустай зямлі.
Ірына ТАМКОВІЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
