Кінапаказ «Воўчая зграя», Музычная праграма «Майскі вальс», Выстава «Прысвячэнне майстру», Выстава беларускіх мастакоў-франтавікоў «Вясна перамогі», Выстава «Мінск: учора, сёння, заўтра», Выстава «Унутры калейдаскопа» Лацінніка Аляксея — штотыднёвая афіша «Звязды».
Дзе: г. Мінск, г. Брэст, г. Гомель, г. Гродна, г. Віцебск, г. Магілёў
Калі: да 7 мая
Колькі: 44 BYN/ Мінск, 34 BYN/ абласныя цэнтры
Рэспубліканскі фестываль Gastrofest зноў пройдзе ў Мінску, Брэсце Гомелі, Гродне, Магілёве і Віцебску. З 20 красавіка па 7 мая ўстановы шасці гарадоў прадставяць сваім гасцям арыгінальныя сэты. Кошт фестывальнай прапановы ва ўстановах Мінска складзе 44,00 рубля, ва ўстановах астатніх гарадоў — 34,00 рубля.
Тэматыкай новага Гастрафэсту сталі кнігі, таму ўстановы-ўдзельнікі прадставяць гасцям унікальныя і крэатыўныя сэты, звязаныя з сучаснымі і класічнымі творамі мастацкай літаратуры.
Акрамя разнастайных сэтаў, для ўсіх наведвальнікаў фестывалю ў Мінску падрыхтавана спецыяльная прапанова ад брэнда аўстралійскага віна Jacob’s Creek. А госці фестывалю ў Брэсце, Гомелі, Гродне, Магілёве і Віцебску змогуць паспрабаваць спецыяльныя прапановы як ад брэндаў аўстралійскага віна Jacob’s Creek так і грузінскага віна Тамада па прывабным кошце.
Генеральным партнёрам серыі фестываляў выступае Альфа Банк Беларусь. Па традыцыі банк прапануе ўсім гасцям Гастрафэста прыемную прапанову. Больш падрабязную інфармацыю аб спецыяльным бонусе можна будзе даведацца ў бліжэйшы час.
Частка фестывальных сэтаў можна будзе замовіць да сябе дадому з дапамогай сэрвісу дастаўкі Delivio. Кошт дастаўкі будзе залежаць ад вашага месцазнаходжання.
Акрамя таго, кампанія OZ, партнёр фестывалю, падрыхтавала падарунак: спецыяльны промокод, па якім кожны наведвальнік можа атрымаць зніжку на адзін заказ на OZ.by або ў дадатку OZ, у тым ліку і на кнігу, якая натхніла ўстанова на стварэнне сэта.
Усе ўстановы ўдзельнічаюць у народным галасаванні на сайце gastrofest.by і ў аднайменным telegram-канале. Госці могуць спрабаваць гастрасэты і галасаваць за ўсіх сваіх фаварытаў, але толькі па адным разе. Пасля заканчэння фестывалю ў кожным горадзе будуць абвешчаныя тры лідары галасавання.
Дзе: г. Мінск, вул. М.Багдановіча, 13
Калі: 8 мая
Колькі: 3–5 BYN
Напярэдадні Дня Перамогі ў Дзяржаўным музеі гісторыі беларускай літаратуры адбудзецца кінапаказ «Воўчая зграя». Мерапрыемства ладзіцца сумесна з кінастудыяй «Беларусьфільм».
Гэта кінафільм 1975 года па аднайменнай аповесці Васіля Быкава, за якую ён атрымаў Дзяржаўную прэмію БССР імя Я. Коласа.
Кінафільм раскажа пра падзеі часоў Вялікай Айчыннай вайны праз паказ гісторыі невялікай групы партызан, што перапраўляюцца ў суседні лагер. У гэты час іх пераследуюць нацысты, якія паводзяць сябе нібы «воўчая зграя». У возе партызан чацвёра: паміраючы ад ран Ціханаў, радыстка Клава на дзявятым месяцы цяжарнасці, ездавы Грыбаед і паранены Ляўчук...
Кінапаказ адбудзецца ў 15:00.
Дзе: г. Мінск, вул. М.Багдановіча, 7а
Калі: 10 мая
Колькі: 10BYN
Ансамбль «Класік-Авангард» падрыхтаваў музычную праграму «Майскі вальс». Імпрэза адбудзецца ў 19:00 у Літаратурным музеі Максіма Багдановіча.
Мастацкі кіраўнік, дырыжор і вядучая — Людміла Каліноўская.
Выступаюць салісты, лаўрэаты міжнародных конкурсаў: Юрый Каліноўскі (скрыпка), Вікторыя Янушкевіч (флейта), Максім Юргілевіч (габой).
У іх выкананні прагучаць творы Яўгена Глебава, Галіны Гарэлавай, Алясандра Літвіноўскага, Альфрэда Шнітке, Грыгараша Дзініку і іншых.
А загадчык музея Міхаіл Бараноўскі пазнаёміць наведвальнікаў з вершамі прысвечанымі тым памятным падзеям.
Дзе: г. Мінск, Галерэя Міхаіла Савіцкага, пл. Свабоды, 15
Калі: да 14 мая
Колькі: 2,5—6 BYN
У Мастацкай галерэі Міхаіла Савіцкага запрацавала выстава творчых работ навучэнцаў мінскіх мастацкіх школ мастацтваў «Мінск: учора, сёння, заўтра» па выніках III Мінскага гарадскога адкрытага конкурсу выяўленчага мастацтва, скульптуры і дэкаратыўна-прыкладнога мастацтва.
Конкурс, арганізаваны Мінскім гарадскім выканаўчым камітэтам, праводзіцца з 2017 года. У 2023 годзе ў ім прынялі ўдзел 120 навучэнцаў школ мастацтваў г. Мінска ва ўзросце ад 10 да 16 гадоў — сярод іх удзельнікі і пераможцы рэспубліканскіх і міжнародных конкурсаў.
Работы, прадстаўленыя на конкурс, выкананы ў жывапісных і графічных тэхніках на тэмы: «Мінск: учора, сёння, заўтра», «Традыцыі і звычаі роднага краю», «Партрэт сучасніка». Журы ў складзе членаў Саюза мастакоў Рэспублікі Беларусь вызначыла самыя арыгінальныя і цікавыя работы. Яны і склалі экспазіцыю выставы.
Погляд дзіцяці на горад, у якім ён жыве, мінулае гэтага горада, мара аб яго будучыні, цікавасць да гісторыі роднага краю, духоўнай і матэрыяльнай спадчыны Беларусі, вобраз сучасніка ва ўяўленні дзіцяці — усё гэта чакае наведвальнікаў выставы.
Запрашаем наведаць выставу і дзяцей, і дарослых! Творчасць юных мастакоў не пакіне абыякавым нікога. Дарослым, магчыма, яно дапаможа лепш зразумець, што хвалюе іх уласных дзяцей, пагрузіць іх у свет дзіцячых перажыванняў, напоўненых уражаннямі і пералівамі настрояў, а юных наведвальнікаў галерэі здзівіць і натхніць на творчыя здзяйсненні.
Дзе: г.Мінск, Арт-гасцёўня «Высокае мѣста», вул. Герцэна, 2а
Калі: да 14 мая
Колькі: 2,5–5 BYN
У Арт-гасцёўні «Высокае мѣста» пачала працу персанальная выстава жывапісу Аляксандра Матвеенкі «Чэрыкаўскія краявіды» да 70-годдзя майстра. Выстава падрыхтавана сумесна з Беларускім саюзам мастакоў.
Чэрыкаў — невялікі беларускі горад, які размяшчаецца на беразе маляўнічай ракі Сож у Магілёўскай вобласці. Горад мае багатую гісторыю і дзівосную прыроду, з’яўляецца адным з самых прыгожых і цудоўных куткоў нашай краіны.
У экспазіцыі выставы прадстаўлены краявіды, напісаныя мастаком у розныя перыяды творчасці. Аляксандр Матвеенка ў сваіх работах шчыра любуецца кожным момантам жыцця прыроды. Майстар малюе пераходныя станы прыроды: раннюю вясну, познюю восень. Нават у яркасці і насычанасці фарбаў мастак знаходзіць пяшчотную нотку спакою. Для яго краявідаў характэрны вытанчанае пачуццё колеру, густ, адчуванне прыгажосці і гармоніі прыроды.
Мастака прыцягвае як чыстая, некранутая прырода, так і прыкметы сучаснасці, якія змяняюць звыклы прыродны краявід. На работах А. Матвеенкі занатавана шмат непаўторных, вельмі прыгожых куткоў роднага краю: бярозавы гай, бязмежныя палі, лясныя паляны, вёсачкі ў адталым снезе, гарачае лета... Яго пейзажныя творы, прадстаўленыя на выставе, з’яўляюцца маляўнічым эпасам беларускай зямлі.
Дзе: г.Мінск, Palazzo, вул. Ціміразева, 74 А
Калі: да 14 мая
Колькі: 14,40–20,80 BYN
«Космадрайв» — касмічны парк прыгод для дзяцей і дарослых. Тут сабралі веды пра космас, атракцыёны, шоу і аб’ядналі іх з сучаснымі тэхналогіямі. «Космадрайв» прапануе прыгоды на любы ўзрост і густ: тут можна прагуляцца па МКС ў віртуальнай рэальнасці, убачыць досведы з электрычнасцю, адчуць гравітацыю Юпітэра, праверыць вестыбюлярны апарат на гіраскопе і многае іншае. Чаго толькі варта шоу з танцуючымі маланкамі або эксперымент з дзіўным генератарам Ван дэ Граафа.
Такую фізіку палюбяць нават заўзятыя двоечнікі. Усе экспанаты інтэрактыўныя, дзіця можа гуляць з імі і вучыцца чамусьці новаму.
Праграма выставы:
На выставу можна прыходзіць як сям’ёй, так і ўсім класам. Групавыя наведвання бранююцца загадзя.
Дзе: г. Мінск, Малінавы кот, пр-т Дзяржынскага, 131
Калі: да 19 мая
Колькі: 5 BYN
Самабытны мастак Святлана Лявонцьева прадставіць серыі палотнаў-прысвячэнняў сваім каханым істотам — катам. У Святланы тры пухнатых члена сям’і, а дапамога бяздомным жывёлам важная частка яе жыцця.
Каціная тэма ў жывапісе мастачкі — гэта выраз любові і захаплення іх прыроднай прыгажосцю, грацыяй і магіяй погляду.
На выставе гледачы пазнаёмяцца з серыямі работ, у якіх героі прадстаўлены як сімвалы розных станаў і пачуццяў уласцівых людзям. Разам з імі можна памарыць, адправіцца ў падарожжа да далёкіх планет або апынуцца ўнутры сну.
Так аўтар стварае сваю ўласную «галактыку», цэнтрам прыцягнення якой з’яўляецца любімы каціны вобраз. Жывапіс Святланы напоўнены колерам, яркі каларыт адводзіць нас са свету штодзённасці ў свет мары.
Дзе: г.Мінск, вул. М.Багдановіча, 7а
Калі: да 22 мая
Амаль да канца мая будзе прадстаўлены выставачны праект мастачкі Святланы Верабей «Зорка*».
Зорка — сімвал з вялікай колькасцю значэнняў, загадка, якая тысячы і тысячы гадоў натхняе чалавека на самыя высокія думкі і памкненні...
Яркая прадстаўніца беларускай арт-прасторы — мастачка Святлана Верабей — паспрабавала ў сваім аўтарскім праекце распавесці пра сваё бачанне гэтага сімвала. З дапамогай колеру і ліній праводзіць паралель паміж падзеямі ўласнага жыцця, сваёй пуцяводнай зоркі і культурнай спадчынай нашай краіны, якой жывіліся пачуцці, фармаваўся светагляд і аўтарскі творчы метад...
Святлана падкрэслівае вечную тэму кахання ў мастацтве, як галоўную крыніцу натхнення, сплятае ў маляўнічае сузор’е вянок сваіх карцін... прапануе паглыбіцца ў эмоцыі палотнаў не толькі праз візуальнае ўспрыманне, але пашырыць дыяпазон уражанняў, праз паэтычны тэкст і водар.
Дзе: г.Мінск, вул. М.Багдановіча, 13
Калі: да 26 мая
Выстава прысвечана сувязі славутага пісьменніка, 195-годдзе якога адзначаецца ў 2023 годзе, з нашай краінай, а таксама ўплыву яго творчасці на беларускіх пісьменнікаў ХХ стагоддзя.
На старонках рамана «Война и мир», над якім аўтар працаваў сем напружаных гадоў, шмат распавядаецца пра беларускія гарады і вёскі, дзе змагаліся героі Талстога. На выставе прадстаўлены ілюстрацыі да славутага твора, гістарычныя гравюры і рэпрадукцыі, на якіх адлюстраваны апісаныя ў рамане баі, што адбываліся на тэрыторыі сучаснай Беларусі, чарнавыя рукапісы рамана.
Уплывы Талстога, яго псіхалагічныя назіранні за паводзінамі чалавека на вайне прасочваюцца ў творчасці Максіма Гарэцкага, Івана Мележа, Янкі Брыля, Васіля Быкава і інш.
На выставе таксама можна пазнаёміцца з матэрыяламі, якія расказваюць пра вайсковы досвед самога Талстога. Яшчэ адным раздзелам выставы сталі пераклады кніг Льва Талстога на беларускую мову з фондаў Дзяржаўнага музея гісторыі беларускай літаратуры. Сярод іх — апавяданні для дзяцей, «Севастопальскія апавяданні», раман «Васкрасенне» і аповесці «Хаджы-Мурат», «Каўказскі палоннік» і інш.
Выстава змяшчае цікавыя неапублікаваныя архіўныя матэрыялы, прадстаўленыя Дзяржаўным музеем Л.М. Талстога, матэрыялы са збораў Беларускага дзяржаўнага архіва-музея літаратуры і мастацтва, Нацыянальнага акадэмічнага Вялікага тэатра оперы і балета Рэспублікі Беларусь, Дзяржаўнага музея гісторыі тэатральнай і музычнай культуры. Яна будзе цікавая навукоўцам, даследчыкам, музейным супрацоўнікам, выкладчыкам і студэнтам філалагічных факультэтаў, а таксама ўсім, хто цікавіцца гісторыяй літаратуры.
Дзе: г.Мінск, Грузінскі Дом, вул. Куйбышава, 48
Калі: да 31 мая
Колькі: бясплатна
На выставе сучаснага беларускага мастака Аляксея Лацінніка «Унутры калейдаскопа» прадстаўлены карціны, створаныя ў розныя перыяды творчасці мастака.
Як наша жыццё складаецца з розных шматкоў падзей, адчуванняў, эмоцый і думак — так і гэтая выстава з’яўляецца калейдаскопам розных тэм і жанраў. У экспазіцыі можна ўбачыць карціны, якая раскрывае жаночую прыгажосць, філасофскія абстракцыі, арыгінальныя маскі, эксперыментальнае мастацтва, арт-інсталяцыі.
З першых крокаў глядач нібы аказваецца ўнутры арт-калейдаскопа. Ён акружаны яркімі, эмацыйнымі, незвычайнымі вобразамі, якія стварыў для яго мастак. У процівагу алегорыі жыцця як складанага лабірынта, аўтар прадстаўляе яе як маляўнічы калейдаскоп.
Наведваючы выставу, можна таксама прайсці нескладанае заданне-галаваломку і атрымаць невялікі падарунак ад мастака на памяць.
Пра мастака:
Лаціннік Аляксей Сяргеевіч — сучасны мастак з Беларусі Г. Мінск, удзельнік і прызёр нацыянальных і міжнародных выстаў, член Еўразійскага саюза мастакоў, член Еўразійскай Садружнасці мастакоў. За плячыма мастака больш за 50 нацыянальных і міжнародных выстаў у розных краінах.
Дзе: г.Мінск, вул. М.Багдановіча, 13
Калі: да 31 мая
У Дзяржаўным музеі гісторыі беларускай літаратуры працуе літаратурна-мастацкая экспазіцыя «Казкі з маляванак». Выстава з’яўляецца працягам супрацоўніцтва музея і Віцебскага абласнога метадычнага цэнтра народнай творчасці.
Беларускія маляваныя дываны (маляванкі) прызнаны важнай складаючай нацыянальнай культурнай спадчыны сучаснай Беларусі не толькі ў нашай краіне, але і з боку міжнароднага культурнага супольніцтва. Традыцыйнае майстэрства стварэння маляванак Віцебшчыны (беларускага Паазер’я) унесена ў спіс гісторыка-культурных каштоўнасцей нашай краіны, створаны пры фінансавай і кансультацыйнай падтрымцы ЮНЕСКА.
Лейтматыў экспазіцыі «Казкі з маляванак» — беларускі нацыянальны фальклорны тэкст (казкі) у спалучэнні з наіўным выяўленчым мастацтвам — маляванымі дыванамі.
На выставе прадстаўлены маляваныя дываны мастачак Віцебшчыны, а таксама кнігі беларускіх казак з фондаў Дзяржаўнага музея гісторыі беларускай літаратуры.
У межах выставы плануецца праводзіць практычныя лекторыі па гісторыі і роспісе маляваных дываноў (для мэтавай аўдыторыі, па папярэдніх замовах).
Дзе: г.Мінск, Музей прыроды і экалогіі, вул. Багдановіча, 9А
Калі: да 1 чэрвеня
Колькі: 3,5–8 BYN
У выставачнай зале Музея прыроды і экалогіі адкрылася часовая экспазіцыя жывых паўзуноў «Рэптыліум».
У экспазіцыі вы зможаце паназіраць за насельнікамі джунгляў і пустыняў, палюбавацца іх грацыёзнасцю, убачыць яркіх прадстаўнікоў халаднакроўных. Таксама на часовай экспазіцыі будзе прадстаўлена разнастайнасць павукоў птушкаедаў.
Разнастайныя прадстаўнікі Азіі, Афрыкі і Амерыкі — незвычайныя стварэння, якія адрозніваюцца адзін ад аднаго памерамі, формай, афарбоўкай скуры, ладам жыцця, а таксама асяроддзем пасялення — ўразяць вас сваім разнастайнасцю.
Выстава зацікавіць як дарослых, так і дзяцей. Для маленькіх наведвальнікаў будзе арганізавана інтэрактыўная зона.
Дзе: г.Мінск, вул. Рэвалюцыйная, 10
Калі: да 1 чэрвеня
Народны мастак Беларусі Леанід Дзмітрыевіч Шчамялёў прайшоў усю вайну ад пачатку да канца. Удзельнічаў у бітве за Дняпро, быў цяжка паранены пад Мазыром. Ваяваў у складзе 4-га Кубанскага казацкага корпуса 2-га Украінскага фронту. Узнагароджаны медалём «За перамогу над Германіяй у Вялікай Айчыннай вайне 1941-1945 гг.»
На выставе «Вясна Перамогі» прадстаўлены работы мастакоў-ветэранаў Вялікай Айчыннай вайны, выдатных майстроў айчыннага выяўленчага мастацтва, творы якіх увайшлі ў залаты фонд нашай культуры, у зборы найбуйнейшых музеяў свету. Барыс Аракчэеў, Антон Бархаткоў, Віктар Грамыка, Адольф Гугель, Віктар Гаўрылаў, Пётр Данелія, Яўген Зайцаў, Аляксандр Казлоўскі, Мікалай Кандрацьеў, Абрам Кроль, Павел Масленікаў, Мікалай Назаранка, Мікалай Назарчук, Тарас паражняк, Міхаіл Савіцкі, Леанід Шчамялёў і многія іншыя беларускія мастакі прайшлі дарогамі вайны тысячы кіламетраў, атрымалі раненні, змагаліся ў партызанскіх атрадах, ваявалі за Маскву і Кёнігсберг, выпрабавалі жахі канцэнтрацыйных лагераў і акупацыі.
Гэтыя драматычныя падзеі пакінулі глыбокі след у жыцці і творчасці беларускіх майстроў, вызначылі стылявыя характарыстыкі і сэнсавую напоўненасць іх твораў. У сваіх карцінах кожны мастак па-свойму адлюстраваў тэму вайны, што дазваляе нам зараз зірнуць вачыма відавочцаў не толькі на драматычныя падзеі Вялікай Айчыннай вайны, але і мірныя пасляваенныя дзесяцігоддзі. На палотнах — вобразы партызан, Герояў Савецкага Саюза, якія перадаюць трагічную і напружаную атмасферу ваенных дзён, а яшчэ — пранізлівая прыгажосць роднай зямлі, якая разам з людзьмі, якія змагаліся за яе, перанесла столькі выпрабаванняў. Мастакі-франтавікі, якія абаранялі нашу радзіму, разам з усім народам набліжалі доўгачаканую вясну Перамогі...
На выставе прадстаўлены работы з фондаў ДУ «Музей гісторыі горада Мінска» і ГА «Беларускі саюз мастакоў».
Дзе: г. Мінск, пр. Незалежнасці, 47
Калі: да 18 чэрвеня
Колькі: 10—14 BYN
Нацыянальны цэнтр сучасных мастацтваў і галерэя FARBA запрашаюць на новы выставачны праект «Сны аб Японіі». У экспазіцыі будуць прадстаўлены больш за 60 ксілаграфій ў стылі укіё-э.
Ад ціхамірных пейзажаў гары Фуджы да вытанчаных вобразаў акцёраў Кабукі і гейш — выстава прапануе зазірнуць у свет японскага мастацтва і культуры. У наведвальнікаў будзе магчымасць палюбавацца шэдэўрамі найвялікшых мастакоў укіё-э, такіх як Кацусіка Хокусай, Андо Хіросігэ, Утагава Кунісада, Кітагава Утамаро і іншых.
Тэхналогія ксілаграфіі, якую выкарыстоўвалі для стварэння твораў, уяўляла сабой сумесную працу трох майстэрскіх майстроў: мастака, разьбяра па дрэве і друкара. У выніку атрымаліся творы мастацтва, якія перадаюць дух эпохі і сёння працягваюць натхняць мастакоў і аматараў мастацтва ва ўсім свеце.
Выстава прапануе ўнікальную магчымасць пазнаёміцца з багатай гісторыяй і мастацкай спадчынай Японіі. Сапраўдным падарункам для гасцей праекта стане імерсіўны фільм «Сны аб Японіі», створаны спецыяльна для гэтага праекта. Фільм дае магчымасць прасачыць шматвяковую гісторыю укіё-э і акунуцца ў свет прыгажосці, самабытнасці і гармоніі японскай культуры. Наведвальнікі змогуць цалкам пагрузіцца ў тое, што адбываецца вакол дзякуючы праецыраванню фільма на сцены і падлогу мультымедыйнай залы.
Ксілаграфіі японскіх майстроў традыцыйна дапоўняць работы беларускіх мастакоў Анатоля Бараноўскага, Фёдара Дарашэвіча, Пятра Драчова, Вадзіма Качана, Арлена Кашкурэвіча, Вячаслава Паўлаўца, Уладзіміра Правідохіна і Віталя Цвіркі з фонду Нацыянальнага Цэнтра Сучасных Мастацтваў.
Арганізатары падрыхтавалі тэматычны квэст, які дазволіць у займальнай форме пазнаёміцца з экспазіцыяй, а ў прасторы выставы вы знойдзеце яркія фотазоны.
Дзе: г.Мінск, вул.М.Багдановіча 7а
Калі: да 15 ліпеня
Дзяржаўны музей гісторыі беларускай літаратуры і рэстаран грузінскай кухні «Дудук» праводзяць сумесную рэкламную акцыю «Ад хачапуры да літаратуры».
Паводле акцыі:
Музеі працуюць з 10:00 да 19:00 усе дні, акрамя панядзелка.
Рэстаран «Дудук» працуе з 12:00 да 23:00 усе дні.
Тэл. для даведак +375 17 363 94 65 (пн — пт з 9:00 да 17:30).
Дзе: г. Мінск, пр. Незалежнасці, 116
Калі: да 10 верасня
Колькі: па чытацкім білеце або білеце сацыякультурнага цэнтра
«Прысвячэнне майстру» — выстаўка да 120-годдзя з дня нараджэння Івана Ахрэмчыка.
Рэтраспектыўная выстаўка «Прысвячэнне майстру» пазнаёміць гасцей з прыкладамі і вынікамі пошуку і станаўлення мастацкага амплуа вучняў гімназіі-каледжа 1970-х—2020-х гг. У экспазіцыі будуць прадстаўлены курсавыя і дыпломныя работы студэнтаў, выкананыя ў жывапісе і прысвечаныя самым разнастайным тэмам — навучэнню, пошуку прызначэння, успрыняццю рэчаіснасці, жыццю, гісторыі і культуры Беларусі.
Крок за крокам колькі дзесяцігоддзяў выдатныя беларускія мастакі, настаўнікі гімназіі-каледжа мастацтваў імя І.В.Ахрэмчыка навучаюць маладыя таленты асновам выяўленчага мастацтва, кіруючыся яркім прыкладам беларускага жывапісца, народнага мастака Беларусі Івана Восіпавіча Ахрэмчыка (1903–1971). Іван Восіпавіч — знакавая асоба для беларускай мастацкай адукацыі, прафесар, выкладчык шэрагу мастацкіх устаноў, настаўнік знакамітых айчынных аўтараў. Менавіта ён настойваў на стварэнні прафесійнай школы жывапісу — і ў 1962 годзе Рэспубліканская школа-інтэрнат па музыцы і выяўленчаму мастацтву была адчынена, а ў 2005 перайменавана ў гімназію-каледж мастацтваў імя І.В.Ахрэмчыка. Іван Восіпавіч, яго вучні і прыхільнікі падрыхтавалі не адно пакаленне адказных настаўнікаў, верных класічнай школе беларускага жывапісу. Дзякуючы ім адораныя дзеці з усіх куткоў Беларусі здзяйсняюць свае першыя крокі ў творчасці.
Экспазіцыя «Прысвячэнне майстру» сведчыць аб тым, што юныя мастакі захоўваюць класічныя падыходы і разам з тым адпавядаюць сучасным тэндэнцыям у жывапісе і выяўленчым мастацтве, а значыць — справа Івана Восіпавіча Ахрэмчыка і памяць аб ім жывуць і сёння.
Дзе: г. Мінск, вул. Рэвалюцыйная, 10
Калі: да 31 снежня
У галерэі мастацтваў Леаніда Шчамялёва працуе юбілейная выстава жывапісу і графікі народнага мастака Беларусі Леаніда Дзмітрыевіча Шчамялёва, прысвечаная 100-годдзю з дня нараджэння майстра.
Леанід Дзмітрыевіч Шчамялёў — выдатны мастак сучаснасці, які ўнёс значны ўклад у развіццё мастацкай культуры Беларусі. Яго творчая спадчына адлюстроўвае важнейшыя падзеі гісторыі краіны і штодзённасці, падымае сур’ёзныя грамадзянскія і філасофскія праблемы, падахвочвае да разважання аб самых важных для чалавека рэчы: пра дабро і зло, аб Радзіме, пра каханне і радасці жыцця.
Упершыню ў адной галерэйнай прасторы прадстаўлена 150 карцін народнага мастака Леаніда Дзмітрыевіча Шчамялёва. У дзевяці залах галерэі мастацтваў Леаніда Шчамялёва можна пазнаёміцца са знакавымі працамі патрыятычнай тэматыкі, партрэтамі вядомых дзеячаў і блізкіх людзей, напоўненымі псіхалагічнай глыбінёй, выдатнымі нацюрмортамі — пышнымі і сціплымі, яркімі і пяшчотнымі, якія распавядаюць кожны сваю гісторыю.
І, вядома, на выставе прадстаўлены графічныя работы майстра. Усе творы Леаніда Шчамялёва адрозніваюцца экспрэсіўнасцю і свабоднай пластычнай манерай выканання. Наведвальнікі юбілейнай экспазіцыі змогуць таксама пазнаёміцца з фотаархівам сям’і, які дазволіць убачыць Шчамялёва ў коле сяброў і родных, «дакрануцца» да палітры народнага мастака.
Уплыў творчасці Леаніда Шчамялёва на жывапісную культуру Беларусі другой паловы XX стагоддзя велізарны, а яго жыццёвы шлях мастака і грамадзяніна — гэта высокі прыклад творчага даўгалецця, духоўнай сталасці і жыццёвай мудрасці.
Дзе: г. Мінск, вул. М.Багдановіча, 7а
Калі: да 22 студзеня 2024 года
2023 год — юбілейны для адзінага прыжыццёвага зборніка вершаў Максіма Багдановіча «Вянок», які быў выдадзены ў Вільні ў 1913 годзе.
«Вянок», як і сто гадоў таму, застаецца ў цэнтры ўвагі чытачоў і даследчыкаў, кампазітараў і мастакоў. Супрацоўнікі Літаратурнага музея Максіма Багдановіча беражліва захоўваюць кнігі з аўтографам паэта, прэзентуюць «Вянок» падчас імпрэз і выстаў, збіраюць інфармацыю пра арыгінальныя зборнікі.
Мастацка-дакументальны праект «Вянок „Вянкоў“» вылучаецца арыгінальным падыходам. Па-першае, выстава ўпісана ў асноўную экспазіцыю музея, па-другое, будзе доўжыцца год, да студзеня 2024 года, і будзе зменнай — кожны месяц будуць прэзентавацца новыя экспанаты. Галоўныя сярод іх — кнігі «Вянок» 1913 года, якія захоўваюцца ў фондах Літаратурнага музея Максіма Багдановіча і ў фондах розных устаноў навукі і культуры Беларусі.
А пачынаецца выставачны праект з «Вянка» Максіма Багдановіча, які 22 сакавіка 1914 года ён падарыў любімай цётцы — Марыі Ягораўне Галаван (Багдановіч). Экспануюцца каштоўныя матэрыялы з фондаў Літаратурнага музея Максіма Багдановіча: «Вянок» (Вільня, 1913) з аўтографам аўтара, фотаздымкі Марыі Галаван і яе дома ў Ніжнім Ноўгарадзе, дзе яна пражыла амаль 20 гадоў, віншаванні любай цётцы ад пляменнікаў.
Прэв’ю: pexels.com
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
