У красавіку невялікія і цёплыя дажджы ў радасць, ды і тэмпература пайшла ўверх, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Другі тыдзень красавіка ў нашай краіне праходзіў з відавочным паніжэннем тэмпературнага фону, гэта калі дзённыя максімумы ў мінулыя выхадныя ў асноўным не перавышалі плюс 7—13 градусаў, і толькі ў нядзелю па крайнім паўднёвым захадзе краіны паветра днём прагрэлася да плюс 15 градусаў. Аднак пасля халодных і пахмурных выхадных на гэтым тыдні ў краіну зноў вернецца цяпло. Сіноптыкі абяцаюць, што начныя мінімумы будуць знаходзіцца ў межах ад плюс 1 градуса да 9 цяпла, а 22 і 23 красавіка месцамі і да плюс 10 градусаў. Днём вясновае сонца здолее прагрэць паветра да плюс 13—19 градусаў.
У аўторак месцамі па нашым рэгіёне пройдуць невялікія кароткачасовыя дажджы. Раніцай у асобных раёнах слабы туман. Тэмпература паветра ўначы будзе ў межах ад плюс 1 градуса па поўначы да плюс 9 градусаў па паўднёвым захадзе, а днём — ад плюс 13 да плюс 19 градусаў. Месцамі па краіне пройдуць кароткачасовыя дажджы і ў сераду. Ноччу і раніцай у асобных раёнах згусціцца слабы туман. Тэмпература паветра ўначы складзе плюс 3—8 градусаў, а ўдзень — плюс 11—18 градусаў.
Аднак ужо ў чацвер, па прагнозах сіноптыкаў, ачаг высокага ціску пачне ўзмацняць свае пазіцыі і абумовіць да канца тыдня пераважна без ападкаў надвор'е. Толькі ў начныя гадзіны ў няўстойлівым паветры месцамі па поўдні краіны яшчэ захаваецца верагоднасць невялікіх кароткачасовых дажджоў. Таму 20 красавіка будзе пераважна без ападкаў, толькі ўначы ў асобных раёнах на поўдні краіны пройдуць невялікія кароткачасовыя дажджы. Уначы і раніцай месцамі слабы туман. У начныя гадзіны чакаецца плюс 3—9 градусаў, а ўдзень — плюс 13—19 градусаў.
Згодна з папярэднімі прагнозамі айчынных сіноптыкаў, у пятніцу пераважна без ападкаў. Ноччу і раніцай у асобных раёнах слабы туман. Уначы тэмпература паветра будзе вагацца ад плюс 1 да плюс 8 градусаў, а ўдзень — ад плюс 13 да плюс 18 градусаў.
Без ападкаў чакаецца і ў суботу. У гэтыя суткі ноччу і раніцай у асобных раёнах будзе слабы туман. Тэмпература паветра ўначы складзе плюс 2—8 градусаў, а месцамі — да плюс 10 градусаў. Днём паветра прагрэецца да 13—18 цяпла.
Сяргей КУРКАЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.