Цяперашняя вясновая пара не вельмі нас цешыла. Ды і красавік адразу прыняў эстафету ў капрызнага і наравістага сакавіка. У першыя дні месяца ў краіне часцяком былі ападкі ў выглядзе дажджу і мокрага снегу, а ў некаторых раёнах нават паспявала сфарміравацца снежнае покрыва. Аднак ў канцы гэтага тыдня красавік усё ж вырашыў узяць курс на пацяпленне, адзначылі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды ў Белгідрамеце.
Паводле інфармацыі сіноптыкаў, тэмпературны фон павысіцца і ў начныя гадзіны будзе знаходзіцца ў межах ад плюс 1 да плюс 9 градусаў, а дзённы фон тэмператур будзе вагацца ад плюс 9 да плюс 17 градусаў. Як той казаў — даўно б так.
У пятніцу на большай частцы тэрыторыі краіны пройдуць кароткачасовыя дажджы, месцамі магчымыя навальніцы. Тэмпература паветра ўначы складзе плюс 3—9 градусаў, удзень — плюс 10—16 градусаў. У суботу на большай частцы тэрыторыі Беларусі чакаюцца кароткачасовыя дажджы. Ноччу і раніцай у асобных раёнах слабы туман. Тэмпература паветра ўначы будзе вагацца ад плюс 1 да плюс 8 градусаў, удзень — ад плюс 9 да 15 цяпла.
Таксама цёпла і дажджліва будзе і ў нядзелю. У гэты дзень, ноччу месцамі, а днём на большай частцы тэрыторыі краіны пройдуць кароткачасовыя дажджы. Уначы і раніцай месцамі слабы туман. У дзённыя гадзіны ў асобных раёнах магчымыя навальніцы. Начная тэмпература паветра будзе ў межах ад плюс 1 да плюс 8 градусаў, удзень — ад плюс 10 да 16 цяпла.
У панядзелак ноччу месцамі, а днём на большай частцы тэрыторыі краіны прагназуюцца кароткачасовыя дажджы. Уначы і раніцай месцамі слабы туман. У дзённыя гадзіны ў асобных раёнах магчымыя навальніцы. Тэмпература паветра ўначы будзе плюс 2—8 градусаў. Днём слупок тэрмометра паднімецца да 9—16 цяпла.
Паводле папярэдніх прагнозаў айчынных сіноптыкаў, у аўторак і сераду месцамі па краіне чакаюцца кароткачасовыя дажджы. Ноччу і раніцай месцамі слабы туман. У дзённыя гадзіны ў асобных раёнах магчымыя навальніцы. Тэмпература паветра ўначы складзе плюс 1—8 градусаў. Удзень паветра прагрэецца да плюс 10—17 градусаў.
Сяргей КУРКАЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
