Паводле прагнозаў сіноптыкаў, у апошні чацвер сакавіка і першыя дні красавіка нас можа ладна падмачыць. А пакуль у нас з цяплом праблемы. На наступным тыдні на тэрыторыі нашай краіны будзе зусім не горача, рассказала начальнік службы метэаралагічных прагнозаў Белгідрамета Мінпрыроды Таццяна Чатырка.
Справа ў тым, што перыяд сухога надвор’я ў Беларусі працягваўся два тыдні. Па словах сіноптыка, цяпер ён падыходзіць да свайго завяршэння. Паступова антыцыклоны, якія фармавалі надвор’е, пачынаюць слабець, і праз тэрыторыю нашай краіны сталі прабівацца атмасферныя франты. Таму колькасць воблачнасці і ападкаў будзе паступова павялічвацца, а тэмпературны фон — паніжацца і набліжацца да кліматычнай нормы, а ў канцы месяца будзе нават крыху ніжэй за норму.
Амаль што парадокс — ночы пры гэтым будуць не такімі халоднымі — ад мінус 5 градусаў да 3 цяпла, але ўдзень пры больш шчыльнай воблачнасці паветра ўжо не будзе выгравацца так інтэнсіўна, як цяпер.
У нядзелю «халодныя» ападкі будуць ісці якраз у цёмны час сутак. Так, уначы і раніцай пераважна па ўсходняй палове краіны прагназуецца кароткачасовы снег, мокры снег, і ў многіх раёнах чакаецца ўзмацненне ветру парывамі да 15–20 м/с. На асобных участках дарог будзе галалёдзіца. Удзень будзе без істотных ападкаў. Тэмпература паветра ўначы складзе 1–7 марозу, а ўдзень дасягне 2–9 цяпла, але па паўночным усходзе будзе каля нуля градусаў.
Паводле папярэдніх прагнозаў айчынных сіноптыкам, няўстойлівы характар надвор’я захаваецца і ў пачатку наступнага тыдня. У панядзелак уначы месцамі, а ўдзень на большай частцы тэрыторыі краіны чакаюцца кароткачасовыя ападкі ў выглядзе дажджу і мокрага снегу. Уначы і раніцай па паўночным усходзе на асобных участках дарог — галалёдзіца. У многіх раёнах будзе ўзмацненне ветру парывамі да 15–22 м/с. Тэмпература паветра ў начны час сутак складзе ад мінус 3 градусаў па паўночным усходзе да плюс 5 градусаў па паўднёвым захадзе. Удзень тэмпература паветра будзе складаць 8–15 цяпла, па поўначы — ад плюс 5 да плюс 7 градусаў.
Патрывожыць нас снег з дажджом і ў аўторак. У гэты дзень месцамі па краіне — кароткачасовыя ападкі. Уначы і раніцай месцамі магчыма ўзмацненне ветру парывамі да 15–20 м/с, на асобных участках дарог прагназуецца галалёдзіца. Тэмпература паветра на працягу сутак складзе ад мінус 2 да плюс 5 градусаў. Уначы па поўначы тэмпература будзе да мінус 5 градусаў, а ўдзень па поўдні да плюс 7 градусаў.
У сераду месцамі па краіне чакаюцца кароткачасовыя ападкі ў выглядзе мокрага снегу і дажджу. Уначы і раніцай на асобных участках дарог будзе галалёдзіца. Тэмпература паветра ў начны час сутак складзе ад мінус 6 градусаў да плюс 1, месцамі па поўначы — да мінус 8 градусаў. Удзень тэмпература паветра ад 0 да 7 цяпла.
Па доўгатэрміновых прагнозах айчынных сіноптыкаў, халоднае надвор’е захаваецца і ў першыя дні красавіка.
Такім чынам, у апошні дзень сакавіка, у чацвер, у заходняй і цэнтральнай частцы краіны чакаюцца сур’ёзныя ападкі ў выглядзе дажджу. У пятніцу і суботу дажджы будуць ісці ўжо на ўсёй тэрыторыі краіны. У гэтыя тры дні тэмпература паветра ўначы будзе апускацца да нуля — плюс 6 градусаў. Удзень будзе крыху цяплей, але таксама не горача — ад плюс 4 градусаў да 12 цяпла. Праўда, у паўднёвых рэгіёнах гэтымі днямі будзе крыху цяплей,а ў Віцебскай вобласці на пару градусаў халадней.
Сяргей КУРКАЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
