На пачатак сакавіка золатавалютныя рэзервы Беларусі склалі 8,3 мільярдаў долараў ЗША.
Такім чынам, па інфармацыі прэс-службы Нацыянальнага банка краіны, міжнародныя рэзервовыя актывы Беларусі, па папярэдніх даных, склалі 8 мільярдаў 264,6 мільёнаў долараў (у эквіваленце).
За люты гэтага года золатавалютныя рэзервы знізіліся на 259,2 мільёна долараў (на 3,0 %) пасля росту ў студзені на 98,8 мільёна долараў (на 1,2 %).
Зніжэнне ўзроўню міжнародных рэзервовых актываў па выніках лютага ў асноўным абумоўлена планавай пагашэннем Урадам знешніх і ўнутраных абавязацельстваў у замежнай валюце на суму каля 280 мільёнаў долараў, а таксама адмоўнае сальда куплі-продажу Нацыянальным банкам замежнай валюты на таргах ААТ «Беларуская валютна-фондавая біржа».
Падтрыманню ўзроўню золатавалютных рэзерваў у лютым спрыяла павелічэнне кошту манетарнага золата, а таксама паступленне замежнай валюты ў бюджэт, у тым ліку ад збірання экспартных пошлін.
Згодна з асноўнымі кірункамі грашова-крэдытнай палітыкі на 2022 год, аб’ём міжнародных рэзервовых актываў на 1 студзеня 2023 года павінен скласці не менш як 7 мільярдаў долараў.
Сяргей КУРКАЧ
Прэв’ю: pixabay.com
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
