У Прэзідыуме Нацыянальнай акадэміі навук Беларусі прайшла рабочая нарада, прысвечаная стварэнню «Бібліятэкі часопіса «Союзное государство» (назва ўмоўная).
Удзел у сустрэчы, якую вёў намеснік Дзяржсакратара Саюзнай дзяржавы Беларусі і Расіі Віктар СІРЭНКА, прынялі акадэмік-сакратар НАНБ акадэмік НАНБ Аляксандр КАВАЛЕНЯ, дырэктар Інстытута гісторыі Акадэміі навук кандыдат гістарычных навук Вадзім ЛАКІЗА, дырэктар Інстытута літаратуразнаўства імя Янкі Купалы доктар філалагічных навук Іван САВЕРЧАНКА, акадэмік Аляксандр ЛАКОТКА, дырэктар Інстытута філасофіі кандыдат філасофскіх навук Анатоль ЛАЗАРЭВІЧ, намеснік дырэктара выдавецтва «Беларуская навука» Станіслаў НІЧЫПАРОВІЧ, дырэктар — галоўны рэдактар Выдавецкага дома «Звязда» Алесь КАРЛЮКЕВІЧ і іншыя зацікаўленыя асобы.
Размова ішла пра выданне серыі кніг, якія б адлюстравалі ў мастацка-публіцыстычным характары агульныя для Саюзнай дзяржавы тэмы. Найперш — лёсы тых знакамітых сыноў і дачок Беларусі і Расіі, якія сваёй дзейнасцю, сваімі творчымі, навуковымі здабыткамі могуць і сёння служыць прыкладам для выхавання грамадства, моладзі.
Мяркуецца, што першыя кнігі згаданага творчага праекта Саюзнай дзяржавы Беларусі і Расіі пабачаць свет ужо сёлета.
Сяргей ШЫЧКО
Фота БелТА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
