Не сакрэт, што для перамогі на спартыўных арэнах патрэбныя не толькі сіла, вынослівасць і хуткасць, але і інтэлект. Тэлеканал «Беларусь 5» прадставіў у эфіры сваё першае інтэлектуальна-забаўляльнае шоу «Гульня галавой», у якім беларускія спартсмены змагаюцца ў бітве розумаў.
Вядомых гасцей праекта кожны раз чакаюць чатыры перыяды гульні, у ходзе якіх галоўны суддзя і вядучы па сумяшчальніцтве Генадзь Вайтовіч у розных формах прапаноўвае ўдзельнікам каверзныя пытанні па тэме падзей у свеце спорту. І для перамогі спартсменам прыйдзецца напружваць зусім не мускулы. За правільныя адказы ўдзельнікі будуць здабываць балы, а за няправільныя — страчваць іх.
Таму ўсім гледачам, хто хоча праверыць свае веды ў сферы спорту і разам з тым даведацца, наколькі кемлівыя беларускія спартсмены, варта паглядзець новы праект «Беларусь 5». Чакайце выпускі «Гульні галавой» у эфіры спартыўнага тэлеканала раз на тыдзень. А канкрэтныя дні і час шукайце ў праграме перадач. Будзе цікава!
Алена ДРАПКО
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.