Да Старшыні Пастаяннай камісіі Савета Рэспублікі па рэгіянальнай палітыцы і мясцовым самакіраванні са сваімі праблемамі, якія датычыліся самых розных сфер, прыйшлі не толькі жыхары Навагрудчыны, але і іншых рэгіёнаў краіны.
На сустрэчу запісаліся больш за 10 чалавек. Кола пытанняў датычыліся рамонту мясцовых дарог і шматпавярховых дамоў, даступнасці гандлёвага абслугоўвання і памеру падаткаў, своечасовасці разліку з работнікамі і іншныя.
У прыватнасці, былыя работнікі фабрыкі спецадзення прыйшлі на прыём да сенатара са сваёй бядой: летась у сакавіку яны звольніліся з прадпрыемства па прычыне яго закрыцця, але разліку няма да гэтага часу. Змяніўся ўласнік, а запазычанасці засталіся.
Міхаіл Русы перакананы, што вырашыць гэтую праблему трэба як мага хутчэй:
— Заработная плата — гэта аснова. Пытанне неабходна ўзяць на кантроль, адпаведным органам разабрацца і прыняць неабходныя меры, — падкрэсліў сенатар.
На прыём у Навагрудак са сталіцы прыехала шматзетная сям’я з пытаннем правядзення рамонтных работ шматпавярховага дома. Паводле меркавання старшыні профільнай камісіі, праблему трэба вырашаць неадкладна, адпаведнае даручэнне ўжо дадзена з тым, каб забудоўшчык ліквідаваў усе недахопы і прывеў дом у належны стан.
Цікавы выпадак расказала сенатару жыхарка Навагрудка: яна інвалід ІІ групы, мае ва ўласнасці дзве машыны (легкавік і мікрааўтобус), але правоў кіравання не мае. На легкавым аўто ў паліклініку, а на бусе — у грыбы-ягады яе возіць суседка. Тым разам падатак за валоданне двума транспартнымі сродкамі ёй плаціць давядзецца. Што рабіць? — пытаецца заяўніца.
— Па новым заканадаўстве льготы па аплаце транспартнага падатку прадугледжаны толькі для інвалідаў, якія маюць правы кіроўцы, — растлумачыў Міхаіл Русы. — Раённы выканаўчы камітэт можа прыняць рашэнне аб прымяненні льгот па транспартным падатку толькі ў тым выпадку, калі ў чалавека складаная сітуацыя. У пытанні трэба разабрацца, аднак закон ёсць закон, і ён для ўсіх адзін.
З калектыўнай просьбай працягнуць маршрут гарадскога аўтобуса прыйшлі некалькі жыхароў райцэнтра. Яны патлумачылі, што аўтобус не даязджае да іх садовага таварыства літаральна 600 метраў, а для пажылых — гэта адлегласць.
Як патлумачыў старшыня Навагрудскага райвыканкама Сяргей Федчанка, гэтае пытанне ўжо вывучалася: неабходна ўладкаваць разваротную пляцоўку і скарэктаваць маршрут. Ён паабяцаў, спецыялісты выедуць на месца і яшчэ раз усё вывучаць.
— Людзі падымаюць шырокі спектр пытанняў: і жыллёвае будаўніцтва, і добраўпарадкаванне, і транспартны падатак, і дарогі,
— адзначыў сенатар. — Вядома ж, кожнае пытанне будзе ўзята на кантроль і даведзены да лагічнага завяршэння. Пры гэтым заўсёды варта ўлічваць эканамічную мэтазгоднасць, усё павінна быць разумна. Кожнага чалавека важна выслухаць, калі трэба, растлумачыць і патлумачыць.
Ён лічыць правядзенне такіх прыёмаў эфектыўнымі і неабходнымі для людзей.
— Дзякуючы ім пры прыняцці законаў, аналізе выканання заканадаўчых, нарматыўна-прававых актаў, мы бачым, што практыка прымянення ці не тая, ці ёсць недапрацоўкі — а гэта людзі, іх праблемы і жыццёвыя сітуацыі. І пры чарговай карэкціроўцы ёсць рэальная магчымасць зняць гэтыя пытанні. Самае важнае, што кожны прыём — гэта дапамога людзям, магчымасць убачыць сітуацыю на месцах, — рэзюмаваў Міхаіл Русы.
Вольга АНУФРЫЕВА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
