Прэзідэнт ЗША Дональд Трамп заявіў, што дадатак TikTok ў краіне забароняць да 15 верасня. Але гэтага можна будзе пазбегнуць, калі кітайская кампанія-распрацоўшчык перадасць усе правы ЗША, піша інтэрнэт-партал Буквы са спасылкай на The New York Times.
Дадатак можа купіць Microsoft або якая-небудзь іншая кампанія.
«Мы ўстанавілі дату — прыкладна 15 верасня, дадатак TikTok тады спыніць працу ў ЗША. Але калі Microsoft або хто-небудзь яшчэ яго купіць, то гэта было б цікава», — сказаў амерыканскі прэзідэнт.
Таксама Трамп дадаў, што частка сродкаў ад продажу дадатка павінна пайсці ў бюджэт ЗША.
TikTok — сэрвіс для стварэння і прагляду кароткіх відэа, які належыць пекінскай кампаніі ByteDance.
Сумесныя праекты ядзерных тэхналогій.
