Вы тут

Гатуем вяленыя вiшнi


Такiя ягадкi не параўнаць з замарожанымi або кансерваванымi: трапляючыся ў выпечцы, крэме або жэлейных дэсертах, яны прыемна радуюць сваiм кiсла-салодкiм смакам i пругкай тэкстурай.


Працэс нарыхтоўкi вяленых вiшань падобны на прыгатаванне цукатаў. Спачатку ягады неабходна праварыць у сiропе, а затым прасушыць у духоўцы або спецыяльнай сушцы.

З 2,5 кг свежых вiшань атрымлiваецца каля 500 г вяленых i слоiчак сiропу (лiтраж будзе залежаць ад сакавiтасцi, у сярэднiм — каля лiтра).

Спатрэбiцца: вiшнi — 2,5 кг, цукар —1 кг.

  • Выдалiць у вiшань костачкi i засыпаць цукрам, пакiнуць на 4-5 гадзiн, каб ягады пусцiлi сок ды набралiся саладосцi.
  • Працадзiць сiроп i вылiць яго ў вялiкую каструлю, давесцi да кiпення. Выкласцi ў сiроп ягады, памешваючы, варыць на слабым агнi на працягу 10 хвiлiн.
  • Зноў даць сiропу сцячы. Сiроп можна закатаць у стэрылiзаваныя слоiкi цi адразу выкарыстоўваць у прыгатаваннi дэсертаў.
  • Заслаць бляху пергаментам для выпечкi, выкласцi на яго вiшнi ў адзiн слой. Пажадана размясцiць ягады так, каб яны не датыкалiся адна да адной.
  • Адправiць вiшнi ў разагрэтую да 80 градусаў духоўку i вялiць з прыадчыненымi дзверцамi паўтары гадзiны. Затым панiзiць тэмпературу да 50 градусаў i вялiць ягады яшчэ 2,5 гадзiны.
  • Гатовыя ягадкi павiнны атрымацца мяккiмi i пры нацiсканнi не выдзяляць сок. Захоўваць такiя вiшнi зручна ў шкляных слоiках у прахалодным месцы, можна ў халадзiльнiку.

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.