На тэлеканале «Беларусь 1» стартаваў новы сезон праекта Агенцтва тэленавiн Белтэлерадыёкампанii «Лёс гiгантаў. Перазагрузка». Цыкл дакументальных фiльмаў расказвае не толькi пра мiнулае, але i пра сённяшнi дзень, а таксама перспектывы ў розных сектарах беларускай прамысловасцi: будаўнiчай галiне, мiкраэлектронiцы, машынабудаўнiцтве, а таксама сельскай гаспадарцы. Пасля кожнай серыi — яе адкрытае абмеркаванне ў студыi з тэлевядучымi i запрошанымi экспертамi.
Нагадаем, першы цыкл серый эксклюзiўнага дакументальнага праекта «Лёс гiгантаў» стартаваў яшчэ ў 2012-м i апавядаў пра найбуйнейшыя прадпрыемствы часоў СССР. Другi цыкл меў назву «Гастраном» i знаёмiў з савецкiмi прадуктовымi брэндамi. Наступны быў цыкл «Дзяржкiно», у якiм расказвалi пра стварэнне шэдэўраў савецкага кiнематографа. У чацвёртым сезоне ўспамiналi пра ўтульныя савецкiя кватэры, мэблю i бытавую тэхнiку тых часоў. А вось пяты сезон стане своеасаблiвым падвядзеннем вынiкаў сацыяльна-эканамiчных рэформаў, якiя праводзiлiся ў краiнах Усходняй Еўропы на працягу апошнiх дзесяцiгоддзяў.
— У кожнай серыi ёсць свой адпраўны пункт, зразумелы гледачам: савецкi стол, аўтамабiль, цацка... Напрыклад, адштурхоўваючыся ад прадуктовага набору на стале, мы расказваем, як развiваўся аграпрамысловы комплекс, чаму фермерам у суседнiх краiнах даплачваюць за пустазелле на iх палях i да чаго прывялi «мяккiя рэформы», па шляху якiх пайшла наша краiна, — кажа аўтар iдэi Руслан Туркоў.
Творчая група АТН запрашае да размовы пра прадпрыемствы, якiя былi брэндамi вялiкай краiны i наглядна дэманструе, каму ўдалося захаваць свае традыцыi i знайсцi новае аблiчча, а хто працягвае жыць успамiнамi. Абмеркаванне разам з экспертамi (вядучымi гiсторыкамi, эканамiстамi i палiтолагамi Беларусi, Расii, краiн Прыбалтыкi i шэрагу iншых дзяржаў) будзе адбывацца ў студыi адразу пасля паказу чарговай серыi дакументальнага фiльма. Новыя выпускi ток-шоу «Лёс гiгантаў. Адкрыты паказ» — на першай кнопцы па панядзелках у 19.20.
Алена ДРАПКО
Фота дадзена Белтэлерадыёкампанiяй
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
