Супрацоўнікамі сталічнага наркакантролю пры сілавой падтрымцы АМАП ГУУС Мінгарвыканкама ў ходзе аператыўных мерапрыемстваў, скіраваных на затрыманне асоб, якія маюць дачыненне да незаконнага абароту наркотыкаў, затрыманы пакупнік і прадавец марыхуаны.
Першапачаткова ў адным з дамоў на вуліцы Сувязістаў праваахоўнікамі быў затрыманы 29-гадовы пакупнік, пры сабе ў якога захоўвалася каля пяці грамаў гатовай да ўжывання марыхуаны. Малады чалавек распавёў супрацоўнікам міліцыі, што неаднаразова набываў небяспечны наркатычны сродак у свайго знаёмага. Пасля быў затрыманы і сам прадавец — 35-гадовы мінчанін. Падчас агляду яго кватэры праваахоўнікі выявілі і канфіскавалі каля 112 грамаў марыхуаны, паведамляе ГУУС Мінгарвыканкама.
Са слоў прадаўца наркатычнага сродку, мінулым летам ён знайшоў дзікарослыя каноплі, якія сарваў і высушыў на загарадным участку бацькоў у Светлагорскім раёне. Затым прывёз расліну ў сталіцу, расфасаваў і прадаваў знаёмым «з рук у рукі». Цана пытання складала каля 200 рублёў за 50 грамаў. Затрыманы растлумачыў, што займаўся продажам наркотыку з восені 2019 года.
Супрацоўнікамі міліцыі праводзіцца далейшая праверка з мэтай выяўлення кола іншых пакупнікоў.
Сяргей РАСОЛЬКА
Прэв'ю: regnum.ru
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
