Супрацоўнікі наркакантролю ГУУС Мінгарвыканкама сумесна з калегамі з Заводскага РУУС сталіцы пры сілавой падтрымцы АМАП затрымалі 34-гадовага жыхара горада, у якога захоўвалася буйная партыя наркотыка.
Пры сабе ў мінчаніна праваахоўнікі выявілі скрутак з марыхуанай вагой каля аднаго грама. У далейшым у ходзе агляду кватэры мужчыны міліцыянеры знайшлі цэлафанавы пакет, які захоўваўся ў халадзільніку, у якім знаходзілася каля 150 грамаў забароненага рэчыва.
Грамадзянін прызнаўся, што на дачным участку ў Мінскай вобласці ў яго захоўваецца буйная партыя забароненага рэчыва. Правёўшы агляд дачнага дома, супрацоўнікі наркакантролю выявілі і канфіскавалі каля трох кілаграмаў марыхуаны. Са слоў мужчыны, каноплі ён вырасціў летам у сябе на ўчастку.
Паводле аператыўнай інфармацыі, мужчына прадаваў наркатычны сродак па схеме "з рук у рукі” сваім знаёмым, а таксама выкарыстоўваў яго для асабістага ўжывання. Вядома, што раней ён ужо прыцягваўся да крымінальнай адказнасці.
Сяргей РАСОЛЬКА
Сумесныя праекты ядзерных тэхналогій.
