У лютым стартуе XXІV Беларускі маладзёжны конкурс сачыненняў эпісталярнага жанру

У лютым—красавіку пад эгідай Сусветнага паштовага саюза пройдзе XXІV Беларускі маладзёжны конкурс сачыненняў эпісталярнага жанру.

Да ўдзелу ў ім запрашаюцца навучэнцы ўстаноў агульнай сярэдняй адукацыі, не старэйшыя за 15 гадоў. Тэма сачынення — «Напішыце паведамленне (пасланне, ліст) даросламу пра свет, у якім мы жывём». Аб'ём тэксту — не больш за 800 слоў. Сачыненне пішацца ад рукі на рускай або беларускай мове. Дапускаецца выкарыстанне ў тэксце ілюстрацый удзельніка.

Конкурс праводзіцца ў два этапы:

Першы этап — абласны (прадстаўленне конкурсных работ з 1 лютага да 10 сакавіка 2020 года).
Другі этап — рэспубліканскі (вызначэнне пераможцаў конкурсу да 12 красавіка 2020 года).

На ўсіх этапах конкурсу не падлягаюць разгляду сачыненні, падрыхтаваныя з парушэннем патрабаванняў да іх афармлення або з парушэннем тэрмінаў прадстаўлення.

Надзея НІКАЛАЕВА