Вы тут

Цырымонія ўводу маркі і канверта з серыі "Усходні каляндар" прайшла ў БДУ


Урачыстая цырымонія афіцыйнага ўводу паштовай маркі і канверта з серыі “Усходні каляндар—2020”, прысвечаных Новаму году па ўсходнім календары, адбылася ў Рэспубліканскім інстытуце кітаязнаўства імя Канфуцыя БДУ. Мерапрыемтсва было прымеркавана да 28-годдзя з дня ўстанаўлення дыпламатычных адносін паміж Беларуссю і Кітаем.


Ад імя Пасольства КНР у Беларусі са знамянальнай падзеяй прысутных павіншаваў Надзвычайны і Паўнамоцны Пасол Цуй Цімін. У сваім выступленіі ён адзначыў дынамічнае ўмацаванне супрацоўніцтва ва ўсіх сферах паміж дзвюма краінамі. Адным з прыкладаў эфектыўнага ўзаемадзеяння, са слоў пасла, з'яўляецца рэалізацыя ініцыятывы “Адзін пояс і адзін шлях”.

З надыходзячым святам павіншаваў кітайскіх калег міністр сувязі і інфарматызацыі Беларусі Канстанцін Шульган. Ён выказаў надзею, што праект “Усходні каляндар—2020”  будзе садзейнічаць паспяховаму развіццю двухбаковых адносін і стане шчаслівым талісманам бягучага года.

Новыя марка і канверт падрыхтаваны Міністэрствам сувязі і інфарматызацыі з удзелам Рэспубліканскага інстытута кітаязнаўства імя Канфуцыя БДУ і прысвечаны першаму году, які адкрывае 12-гадовы цыкл – Году Пацука. Новы год па ўсходнім (кітайскім) календары наступіць 25 студзеня 2020 года і працягнецца да 11 лютага 2021 года.

Акрамя таго, гадавіне ўстанаўлення дыпламатычных адносін паміж Беларуссю і Кітаем прысвечаны зборнік “Беларуска-кітайскія адносіны ў міждзяржаўных, міжурадавых і міжведамасных дакументах (1992-2019 гады)”, які таксама быў прэзентаваны ў гэты дзень. Кніга падрыхтавана Рэспубліканскім інстытутам кітаязнаўства імя Канфуцыя БДУ пры падтрымцы Міністэрства замежных спраў Беларусі. Яна ўключае дзеючую нарматыўную базу двухбаковых адносін. Выданне прызначана для прадстаўнікоў органаў улады і кіравання, а таксама даследчыкаў, якія займаюцца вывучэннем Кітая.

Надзея НІКАЛАЕВА

Прэв'ю: crafta.ua

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.