Вы тут

Беларускую дэлегацыю з зімовых юнацкіх Алімпійскіх гульняў сустрэлі ў Мінску


У актыве каманды Беларусі на ІІІ зімовых юнацкіх Алімпійскіх гульнях дзве ўзнагароды: «золата» Ільі Корзуна ў хакеі і бронзавы медаль Юліі Кавалеўскай у біятлоне.


Дадому вярнулася першая частка дэлегацыі. У аэрапорце чэмпіёна Гульняў Ілью Корзуна і яго партнёраў па камандзе, гарналыжніка Максіма Давыдаўскага і трэнера Аляксандра Наканечнага, сустракалі прадстаўнікі Нацыянальнага алімпійскага камітэта, Міністэрства спорту і родныя.

Асаблівыя віншаванні з паспяховым выступленнем прымаў уладальнік залатога медаля Ілья Корзун, які ў хакеі 3х3 у складзе сваёй каманды перамог у фінале. «Крануты такой увагай да нашай каманды. Вядома, перад стартамі ў Лазане спадзяваліся на добрае выступленне. Калі ўжо ў ходзе спаборніцтваў выйшаў у фінал са сваёй камандай, то нацэліліся толькі на залаты медаль, — расказвае Ілья. — Рады, што дасягнуў гэтай мэты. Гэта добры вопыт узаемадзеяння разам з іншымі гульцамі, з якімі раней не сустракаліся. За кароткі перыяд нам удалося стварыць баяздольны калектыў і дамагчыся поспеху. Радуе і ўвага тут, у Мінску: прыехалі нас павіншаваць проста ў аэрапорт — прыемна бачыць такую ўвагу».

Трэнер беларускай хакейнай каманды Дзмітрый Мацюх адзначыў, што паспяховае выступленне гульцоў (акрамя залатога медаля Ільі Корзуна — чацвёртае месца ў Данііла Карповіча) сведчыць пра добрую школу падрыхтоўкі хакеістаў у Беларусі. «Галоўная мэта юнацкіх Алімпійскіх гульняў — не дасягненне нейкага канкрэтнага выніку, а зносіны паміж спартсменамі з розных краін. Гэта якраз прадугледжваў фармат спаборніцтваў па хакеі 3х3, дзе ў каманды ўваходзілі прадстаўнікі розных краін. Спадзяюся, хлопцы атрымалі задавальненне ад гульні, абмену вопытам і зносін, а мы пацвердзілі, што наша школа падрыхтоўкі дае вынікі», — адзначыў ён.

Дар'я Лабажэвіч

Загаловак у газеце: Увага прызёрам

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.