Вы тут

Экспазіцыю праекта беларускага павільёна на Венецыянскім біенале пакажуць у Мінску


Экспазіцыя праекта беларускага павільёна, які прайшоў адбор і прымаў удзел у 58-м Венецыянскім біенале, будзе прадстаўлена з 18 снежня ў Нацыянальным цэнтры сучасных мастацтваў, паведамілі БЕЛТА ў цэнтры.


Венецыянскае біенале - гэта прэстыжны сусветны форум мастацтваў, які праводзіцца раз у два гады з 1895 года. На 58-й Міжнароднай выстаўцы сучаснага мастацтва ў Венецыі, якая прайшла з 11 мая па 24 лістапада, былі закрануты важныя і вострыя праблемы сучаснасці: пытанні экалогіі, міграцыі, агульная нестабільнасць.

Беларускі праект EXIT мастака Канстанціна Селіханава і куратара Вольгі Рыбчынскай прапанаваў свежы погляд на сучаснага чалавека і яго пачуцці, на тое, як ён мяняецца пад уздзеяннем сацыяльна-палітычных і часавых фактараў. Экспазіцыя праекта пабудавана на пяці мультымедыйных аб'ектах у прасторы, кожны з якіх фіксуе пэўную падзею, і ўяўляе сабой застылыя ў інсталяцыі абязлічаныя фігуры, якія паказваюць крызіс самавыяўлення і няздольнасць стабілізаваць стан трывогі.

Арганізатарамі Нацыянальнага павільёна Беларусі ў Італіі выступілі Міністэрства культуры, Нацыянальны цэнтр сучасных мастацтваў пры падтрымцы Міністэрства замежных спраў і пасольства Беларусі ў Італіі. Выстаўка прадоўжыцца па 19 студзеня 2020 года.

Прэв'ю: minsknews.by

Выбар рэдакцыі

Спорт

Як жыве адзіная школа коннага спорту ў Мінскай вобласці

Як жыве адзіная школа коннага спорту ў Мінскай вобласці

Да свайго юбілею школа атрымала выдатны падарунак — капітальны рамонт.

Грамадства

Што трэба рабіць, каб перамагчы свае страхі

Што трэба рабіць, каб перамагчы свае страхі

Наяўнасць страху — з'ява натуральная. Але...

Палітыка

Лукашэнка: Космас — лакмусавая папера, якая дапамагае ацаніць магчымасці і здольнасці дзяржавы

Лукашэнка: Космас — лакмусавая папера, якая дапамагае ацаніць магчымасці і здольнасці дзяржавы

Прэзідэнт Беларусі і дырэктар карпарацыі «Раскосмас» абмяркавалі сумесныя беларуска-расійскія праекты ў касмічнай сферы

Культура

Кастусь Качан: Калі б не стаў мастаком, гэта было б не жыццё, а пакуты

Кастусь Качан: Калі б не стаў мастаком, гэта было б не жыццё, а пакуты

Ён рыхтуецца прадставіць выстаўку ў Нацыянальным мастацкім музеі Беларусі.