Вы тут

Студэнты БДУ распрацавалі ўпрыгожванне для маніторынгу навакольнага асяроддзя


Аўтарамі ўнікальнага праекта з'яўляюцца магістранты факультэта радыёфізікі і камп’ютарных тэхналогій першакурснікі Ігар Чыжоў і Раман Мірановіч, трэцякурснікі Аляксандр Семяновіч і Максім Кандратовіч, паведамілі ў прэс-службе ўніверсітэта.


“Разумны” аксесуар можа мець любую форму і выкарыстоўвацца як падвеска на ланцужку, пярсцёнак, завушніцы, брошка ў выглядзе жывёлы, геаметрычнай фігуры, сімвала ўніверсітэта, горада, краіны, адлюстравання любімага акцёра і інш. Упрыгожванне ўяўляе сабой друкаваную плату, якая абсталяванае святлодыёдамі, мікрафонам і датчыкамі. За кошт свячэння дыёдаў прыбор апавяшчае ўладальніка аб павышэнні ці паніжэнні атмасфернага ціску, тэмпературы і вільготнасці паветра. Прылада мігаціць у такт музыцы, якая грае, і ярка свеціцца пры гучных гуках. Вынаходства таксама дапамагае сачыць за здароўем, паведамляючы пра змены тэмпературы цела.

У залежнасці ад спецыфікі месца пражывання носьбіта вырабу распрацоўшчыкі могуць удасканаліць ўпрыгожванне. Для жыхароў прамысловых раёнаў актуальным стане датчык кіслароду, які адрэагуе на павышаны ўзровень забруджвання паветра.

Аўтары праекта прадставяць распрацоўку на Міжнародным конкурсе “Стартап года”, які пройдзе 14 снежня ў Мінску. Удзел у ім дазволіць аўтарам прэзентаваць сваю інавацыю з мэтай пошуку патэнцыяльных інвестараў.

Сяргей РАСОЛЬКА

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.