Вы тут

Коласаўскі тэатр падрыхтаваў містычную прэм'еру па апавяданні Яна Баршчэўскага


Нацыянальны акадэмічны драматычны тэатр імя Якуба Коласа 11 снежня на камернай сцэне пакажа прэм'еру спектакля "Ваўкалак" паводле аднайменнага твора з кнігі Яна Баршчэўскага "Шляхціц Завальня, Або Беларусь у фантастычных апавяданне", паведамілі БЕЛТА ў тэатры.


Малады рэжысёр Ірына Цішкевіч ўзяла ў якасці сюжэту пастаноўкі апавяданне "Ваўкалак", таму што ўбачыла ў ім вельмі спрэчную маральную тэму - помсту. Да стварэння спектакля далучыліся мастак Юлія Карымава, харэограф Дыяна Юрчанка і артысты-коласаўцы, каб паказаць ўздзеянне гэтага пачуцця на чалавека.

"Няма людзям супакою, калі шчаслівыя іншыя. Марка і Алёна любяць адзін аднаго, але з'яўляецца Ілля, падбухторвае дудара Арцёма і разбурае прыгожую гісторыю сваім жаданнем валодаць упадабанай жанчынай. Смутак, моцная крыўда нараджаюць у Марку жаданне помсціць. І вочы яго пачынаюць гарэць па-воўчы. Людзі палохаюцца. Марка пераўтвараецца ў ваўкалака, які бегае па лясах і можа толькі наводзіць страх на былых аднавяскоўцаў", - падзяліліся ў тэатры.

У пастаноўцы занятыя віцебскія артысты: Ульяна Ацясова, Арцём Герак, Раіса Грыбовіч, Святлана Жукоўская, Дзмітрый Каваленка, Паліна Крашэўская, Юлія Крашэўская, Пётр Ламан, Аляксей Стома і Юрый Цвірко.

У спектаклі артысты актыўна выкарыстоўваюць беларускі фальклор, прыказкі, прымаўкі, замовы, народныя аўтэнтычныя песні, у тым ліку ў апрацоўцы вядомага этна-трыа "Троіца".

Прэв'ю: kolastheatre.by

Выбар рэдакцыі

Грамадства

Якой павінна быць ежа для дзяцей: смачнай ці карыснай?

Якой павінна быць ежа для дзяцей: смачнай ці карыснай?

«Дзесяцігоддзі школьнае харчаванне нашых дзяцей будавалася на аснове зборніка рэцэптур».

Энергетыка

Беларусь у лідарах па энергаэфектыўнасці

Беларусь у лідарах па энергаэфектыўнасці

А сярод краін ЕАЭС — на першым месцы.