Вы тут

Міншчына нарошчвае экспарт


Прадукцыя сельскай гаспадаркі і харчовыя тавары, вырабленыя на Міншчыне, пастаўляюцца ў 58 краін свету — гэта на 15 рынкаў больш, чым летась.


За восем месяцаў гэтага года ад рэалізацыі за мяжу сельскагаспадарчай прадукцыі прадпрыемствы Мінскай вобласці атрымалі 629,5 мільёна долараў, пры гэтым экспарт прадуктаў харчавання склаў каля 548,8 мільёна долараў. Найбольшую ўдзельную вагу ў экспарце сельскагаспадарчай прадукцыі заняла мяса-малочная прадукцыя. Экспарт холдынга «Мясамалпрам» склаў 178,4 млн долараў (тэмп росту 102,6 %).

У параўнанні з 2018 годам, больш стала пастаўляцца за мяжу цукру, кандытарскіх вырабаў, фруктаў і арэхаў, прадуктаў перапрацоўкі агародніны і садавіны, гатовых ці кансерваваных вырабаў з мяса ці рыбы, шакаладу.

Найбольшую вагу ў экспарце вобласці займае Расійская Федэрацыя (каля 75,2 %). Добрымі рынкамі збыту таксама сталі Кыргызстан, Казахстан, Украіна, Літва, Кітай, Нарвегія. Буйныя пастаўкі ажыццяўляліся ў Філіпіны, Японію, Данію, Саудаўскую Аравію, Румынію, Іспанію.

— Улічваючы не зусім стабільныя пастаўкі ў Расійскую Федэрацыю, прадпрыемствы-экспарцёры Мінскай вобласці арыентуюцца на іншыя рынкі, прытрымліваюцца схемы, агучанай кіраўніком дзяржавы: па адной траціне на ўнутраны рынак, у Расійскую Федэрацыю, дальняе замежжа. Вядзецца актыўны пошук патэнцыйных партнёраў. Асноўны кірунак — нарошчванне аб'емаў па экпарце ў Кітайскую Народную Рэспубліку, — паведаміў загадчык сектара па племянной справе ўпраўлення жывёлагадоўлі камітэта па сельскай гаспадарцы і харчаванні Мінскага аблвыканкама Віталь Бялевіч.

У дзясятку найбольш запатрабаваных замежнікамі беларускіх прадуктаў уваходзяць сметанковае масла, неразведзеная малочная прадукцыя, сыры, сухое абястлушчанае малако, мяса птушкі, ялавічына, тварог, яйкі, мясныя кансервы, ільновалакно.

Прэв'ю: agroportal.ua

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.