Беларускай прамысловасці неабходна займаць свае нішы ў Афрыцы, Лацінскай Амерыцы і Азіі. Такую задачу Прэзідэнт Беларусі Аляксандр Лукашэнка паставіў на нарадзе аб стане і задачах развіцця прамысловасці, перадае БелТА.
«Вырабіць – гэта мы ўмеем сяк-так. Якасна, няякасна, дорага, танна — вырабілі. Але галоўнае пытанне-рэалізаваць прадукцыю і атрымаць грошы», — звярнуў увагу кіраўнік дзяржавы.
У апошнія гады знешні гандаль арганізацый Мінпрама характарызаваўся, з аднаго боку, ростам экспартных паставак, з другога — вымушаным сыходам з заходніх рынкаў. У 2023 годзе галіна выдала рэкордны за апошняе дзесяцігоддзе экспарт — $6,5 млрд.прырост да ўзроўню 2022 года — амаль паўмільярда, або каля 8%.
Прычым экспарт стабільна павялічваецца тры гады запар. Значыць, прамысловасць змагла нівеляваць негатыўныя тэндэнцыі 2019-2020 гадоў, адзначыў Аляксандр Лукашэнка. «Дарэчы, трэба нам разгледзець структуру гэтага так званага экспарту», — дадаў ён.
Пастаўкі пераарыентаваныя на рынкі дружалюбных краін. У першую чаргу на традыцыйны рынак брацкай Расіі і іншых дзяржаў СНД.
«Аднак па далёкім замежжы сітуацыя нашмат горш. Аб’ём продажаў склаў менш за 20% у адносінах да дасанкцыйнага 2021 года. Не выкананы планы па экспарце ў дружалюбныя краіны далёкай дугі. У Афрыцы, Лацінскай Амерыцы, Азіі сёння велізарны попыт на прамысловую прадукцыю. Тут трэба шчыльна працаваць і займаць свае нішы. І перш за ўсё на афрыканскім кантыненце», — падкрэсліў Прэзідэнт.
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.