Падчас яго рух будзе абмежаваны, паведамляе Маладзечанскі РАУС.
15 лістапада з 17.30 да 19.00 гадзін паблізу вёскі Гранічы Маладзечанскага раёна на 51-м кіламетры аўтамабільнай дарогі Р-28 Мінск – Маладзечна -- Нарач запланавана правядзенне следчага эксперыменту па факце ДТЗ, што мела месца раней. Вечарам 3 лістапада 43-гадовы мужчына, кіруючы аўтамабілем Mercedes-benz, здзейсніў наезд на 25-гадовага пешахода, як знаходзіўся на праезнай частцы, у выніку чаго апошні ад атрыманых траўмаў памёр на месцы аварыі.
У сувязі з правядзеннем следчага эксперыменту рух усіх відаў транспартных сродкаў у напрамку Мінска і Маладзечна на названым участку будзе часова абмежаваны.
Дзяржаўтаінспекцыя Маладзечна просіць кіроўцаў з разуменнем паставіцца да гэтага мерапрыемства і рэкамендуе загадзя планаваць час і маршрут паездак.
Сяргей РАСОЛЬКА
Прэв'ю: forfun.com
Сумесныя праекты ядзерных тэхналогій.
