Вы тут

У Палацы Рэспублікі прайшоў канцэрт народнага артыста Украіны Мікалая Гнацюка


У сталічным Палацы Рэспублікі з велізарным поспехам прайшоў канцэрт народнага артыста Украіны Мікалая Гнацюка.


Публіка сустрэла артыста шквалам апладысментаў, морам кветак і самымі цёплымі ўсмешкамі, што, дарэчы, не дзіва, бо канцэрт адбыўся 14 верасня — у дзень горада Мінска, у дзень нараджэння спевака, разам з якім слухачы і спявалі («Малінавы звон», «Птушку шчасця», «Галіну», «Зорку пунсовую», «Не пакінь»...), і затоена маўчалі, слухаючы неверагодную ў яго выкананні «Авэ Марыю». Голас спевака гучаў па-ранейшаму чыста і лёгка, сам артыст быў элегантны і малады, таму публіка шчыра не разумела, чаму ў афішы гэты канцэрт абвешчаны развітальным?

Яснасць паспрабаваў унесці міністр культуры Юрый Бондар, які перадаў Мікалаю Гнацюку віншаванне і словы Прэзідэнта Беларусі Аляксандра Рыгоравіча Лукашэнкі: «Ніякіх развітальных канцэртаў!»

Са свайго боку міністр культуры дадаў, што ў краіне праходзіць шмат розных фестываляў, дзе заўсёды будуць рады любімаму артысту.

У фінале канцэрта Мікалай Гнацюк упершыню выканаў песню «Будзем разам!». Музыку да яе напісаў папулярны ўкраінскі кампазітар Віктар Відоменка, словы — вядомая беларуская паэтка Валянціна Паліканіна. «Дзякуй аўтарам за прыгожую мелодыю, — сказаў пасля канцэрта спявак, — за мудрыя словы: «Будзем разам — і споўняцца мары. / І раней жыць было не прасцей. / Хай разыдуцца шэрыя хмары. / Быццам кветка, любоў прарасце!». Спадзяюся, што так яно і будзе».

Паліна ВАЛЕЕВА

Загаловак у газеце: «Будзем разам — і споўняцца мары...»

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.