Вы тут

Расіянін прыехаў у Магілёў да сваякоў жонкі з пісталетам і патронамі


Канфіскацыя аўтамабіля і штраф у памеры 300 базавых велічынь — так быў пакараны расіянін, які прыехаў у Магілёў да сваякоў жонкі з... пісталетам і патронамі.


— У Расіі дазволена захаванне і нашэнне агнястрэльнай зброі траўматычнага дзеяння, а ў Беларусі — не. Але госць пра гэта не ведаў і з пісталетам у сумцы пайшоў у Магілёве на плошчу Славы адзначаць свята. Пры асабістым даглядзе ён прад'явіў пісталет супрацоўнікам АМАП і адразу ж быў затрыманы, — паведаміла старшы памочнік пракурора Магілёва Марыя ІВУЦІНА.

У дачыненні да расіяніна былі распачатыя адразу дзве крымінальныя справы — за незаконнае перамяшчэнне праз дзяржаўную мяжу Рэспублікі Беларусь агнястрэльнай зброі і за яе незаконнае захаванне, перавозку і нашэнне. З улікам выключных абставін яму прызначана пакаранне ў выглядзе штрафу ў памеры 300 базавых велічынь і канфіскацыі аўтамабіля, на якім ён прывёз пісталет, — па законе гэта сродак здзяйснення злачынства.

Абвінавачаны не пагадзіўся з канфіскацыяй аўто і абскардзіў рашэнне суда. Аднак судовая калегія па крымінальных справах Магілёўскага абласнога суда прысуд першай інстанцыі пакінула без змены, ён ужо ўступіў у законную сілу.

Нэлі ЗІГУЛЯ

Загаловак у газеце: Прыехаў са зброяй...

Выбар рэдакцыі

Эканоміка

Падаткі на зямлю і нерухомасць трэба заплаціць да 15 лістапада

Падаткі на зямлю і нерухомасць трэба заплаціць да 15 лістапада

Тым, хто пратэрмінуе або забудзе ўнесці падатак, пагражаюць штраф, пені і ў выключных выпадках вас могуць не выпусціць з краіны.

Спорт

«Людзі думаюць, што ўсёмагутныя і — разбіваюцца»

«Людзі думаюць, што ўсёмагутныя і — разбіваюцца»

Ці так небяспечны парашутны спорт, як здаецца на першы погляд?

Грамадства

Дзе знаходзяць падтрымку бацькі асаблівых малых?

Дзе знаходзяць падтрымку бацькі асаблівых малых?

Стаялі ў калідоры і ўспаміналі першыя крокі ў выхаванні сваіх асаблівых дзетак.