Вы тут

Мінпрыроды прыступае да СЭА праекта «Водная стратэгія — 2030»


Міністэрства прыродных рэсурсаў і аховы навакольнага асяроддзя пры падтрымцы Еўрапейскага саюза прыступае да стратэгічнай экалагічнай ацэнкі (СЭА) праекта «Водная стратэгія — 2030».


Каманда СЭА. Фота: Мінпрыроды.

Як расказалі ў прэс-службе Мінпрыроды, ацэнку праекта «Стратэгія кіравання воднымі рэсурсамі ва ўмовах змены клімату на перыяд да 2030 года», ці «Водная стратэгія — 2030» будзе праводзіць спецыяльна створаная група нацыянальных экспертаў, у склад якой увайшлі вопытныя спецыялісты ў галіне кіравання воднымі рэсурсамі, аховы здароўя, геалогіі, гідрагеалогіі, ландшафтаў і землекарыстання, біяразнастайнасці, якасці паветра і змены клімату, сацыяльна-эканамічных пытанняў.

У ліпені 2019 года група пачала вызначэнне сферы ахопу СЭА, у тым ліку апісанне ключавых пытанняў у сферы аховы навакольнага асяроддзя і здароўя насельніцтва, якія закранаюцца праектам «Водная стратэгія — 2030», а таксама аналіз патэнцыйна магчымых трансгранічных уздзеянняў. На наступных этапах эксперты правядуць стратэгічны мэтавы аналіз, праверку магчымых наступстваў, разгледзяць альтэрнатывы і распрацуюць рэкамендацыі, накіраваныя на прадухіленне і мінімізацыю магчымых адмоўных наступстваў рэалізацыі стратэгіі. Падрыхтоўка экалагічнага даклада па СЭА, а таксама канчатковай версіі «Воднай стратэгіі — 2030» з улікам рэкамендацый СЭА запланавана на пачатак 2020 года.

Тэхнічную і арганізацыйную дапамогу Беларусі ў рэалізацыі пілотнага праекта аказвае ЕЭК ААН пры фінансаванні Еўрапейскага саюза ў рамках праграмы «Водная ініцыятыва Еўрапейскага саюза Плюс». Замежныя калегі акажуць беларускім спецыялістам метадычную дапамогу, правядуць шэраг семінараў і трэнінгаў па практычным прымяненні стратэгічнай экалагічнай ацэнкі.

— Мы накіроўваем значную колькасць фінансавых і чалавечых рэсурсаў на стварэнне, удасканаленне і выкарыстанне прыродаахоўнага заканадаўства, — адзначыла начальнік аддзела міжнароднага супрацоўніцтва Мінпрыроды Ларыса ЛУКІНА. — Задачы, якія перад намі стаяць, носяць глабальны характар, таму міжнародны і еўрапейскі вопыт рашэння агульных праблем для нас вельмі важны.

Адзін з чаканых вынікаў сумеснага пілотнага праекта — падрыхтоўка справаздачы аб адпаведнасцях і адрозненнях патрабаванняў нацыянальнага заканадаўства па СЭА і палажэнняў Пратакола па СЭА. Гэтая ацэнка ў будучым можа стаць дадатковай крыніцай інфармацыі пры разглядзе пытання аб магчымым далучэнні нашай краіны да Пратакола па СЭА.

Настасся АЛЯКСЕЕВА

Загаловак у газеце: «Экзамен» для стратэгіі

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.