Вы тут

Прэзідэнт узнагародзіў губернатара Прыморскага краю Расіі ордэнам Пашаны


За ўмацаванне традыцый сяброўства і супрацоўніцтва дзвюх краін.

Сустрэча Прэзідэнта Беларусі і губернатара Прыморскага краю Алега Кажамякі ў Палацы Незалежнасці пачалася з урачыстасці: Аляксандр Лукашэнка ўзнагародзіў госця ордэнам Пашаны, адзначыўшы адданасць губернатара не толькі расіянам, але і беларусам.


Прэзідэнт звярнуў увагу, што да таго як стаць на чале Прыморскага краю, Алег Кажамяка з’яўляўся губернатарам Сахалінскай і Амурскай абласцей Расіі. «Гэта той чалавек, якога гісторыя заклікае ў той момант, калі трэба і куды трэба для Айчыны», — канстатаваў Аляксандр Лукашэнка.

Прэзідэнт Беларусі падзяліўся, што сочыць за поспехамі Дальняга Усходу і падкрэсліў, што закрытых тэмаў ніколі не было — ні на дзяржаўным, ні на асабістым узроўні.

«Усё, што мы можам зрабіць для вас, негледзячы на адлегласць, адгукнемся на любую просьбу. Хаця адлегласць — не перашкода. Калі ўжо мы да Сахаліну дабраліся і рэалізавалі там праект, якім кіраўніцтва Расіі ганарыцца дагэтуль. Дзе б ні працавалі, важна стварыць нейкі аб’ект, які павінны быць узорам», — упэўніў Алега Кажамяку Прэзідэнт.

Ён паведаміў, што Беларусь гатовая пастаўляць у Прыморскі край не толькі сельгастэхніку, прадукцыю машынабудавання — БелАЗы, МАЗы, але і аўтобусы для перавозкі людзей, электрычны траспарт. Акрамя гандлю, могуць быць створаныя сумесныя вытворчасці, і не толькі па ліфтах.

Аляксандр Лукашэнка запэўніў, што усходні край Расіі можа разлічваць на падтрымку і ў развіцці аграрнага комплексу.

«Беларусь будзе надзейным сябрам і партнёрам, якія б адносіны не складваліся паміж дзяржавамі, асабістыя адносіны непарушныя», — звярнуў увагу беларускі лідар.

У сваю чаргу Алег Кажамяка падкрэсліў, што сумесная з Беларуссю дзейнасць на працягу 11 гадоў дазваляла развіваць далёкаўсходнія рэгіёны. Рэалізавана шмат карысных праектаў, створаны магутны падмурак даверу і ўзаемнай павагі. Гэта паслужыць новай зыходнай кропкай у развіцці гандлёвых, сацыяльна-эканамічных адносін паміж Прымор’ем і Беларуссю, упэўнены губернатар.

Асновы ўзаемнай працы гістарычна склаліся добрымі, лічыць губернатар, а рэспубліка заўсёды прыходзіла на дапамогу ў складаную хвіліну.

«Так было падчас паводкі ў Амурскай вобласці, калі Беларусь дасылала самалёты з гуманітарнай дапамогой, якая сапраўды дапамагла нашым жыхарам. Безумоўна, сумесна рэалізаваныя кірункі па развіццi аграпрамысловага комплексу дапамаглі Амурскай вобласці значна палепшыць паказчыкі», — паведаміў губернатар.

Даюць свае вынiкi і Сахалінскія праекты: квітнее закладзены па рэкамендацыі Аляксандра Лукашэнкі сад, працуюць жывёлагадоўчы комплекс, беларускія арганізацыі, беларуская тэхніка. Па інфармацыі Алега Кажамякі, ужо праведзеныя папярэднія перамовы па супрацоўніцтве ў галіне насенневодства, бульбаводства, садаводства, будаўніцтве ротарнай сістэмы парковак.

«Сярод асноўных напрамкаў — пашырэнне рэалізацыі прадукцыі сельскай гаспадаркі, якую нашы жыхары ведаюць і якасці якой давяраюць, ва многіх раёнах прадстаўлены беларускія двары і падвор’і. У буйных гарадах і раёнах будуць створаныя гандлёвыя дамы. Кіраўніком працоўнай групы з боку Беларусі Прэзідэнт назначыў старшыню Магілёўскага аблвыканкама Леаніда Зайца», — паведаміў журналістам кіраўнік Прыморскага краю.

Усходні рэгіён зацікаўлены ў беларускай сельгастэхніцы, зборцы ліфтаў, БЕЛАЗах для горнарудных кампаній. Паводле слоў Алега Кажамякі, зараз супрацоўнічаць з Беларуссю прасцей, калі параўноўваць з паўвостравам Сахалінам, дзе прыходзілася задзейнічаць марскія перавозкі, — да Прымор’я падыходзіць чыгунка.

  • Падчас візіту ў Беларусь 14-17 ліпеня дэлегацыя Прыморскага краю наведвае прадпрыемствы «Магілёўліфтмаш», «Амкадор», «Белкамунмаш» і іншыя.

Варвара МАРОЗАВА

Фота БЕЛТА

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам спецыялістам Нацбанка

Тонкае мастацтва дабрабыту. Складаем сямейны бюджэт разам спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.