Вы тут

Новае пагадненне паміж Беларуссю і Польшчай паскорыць рамонт памежных мастоў


Амаль год таму ў Брэсце кіраўнікі Міністэрства транспарту і камунікацый Беларусі і Міністэрства інфраструктуры Польшчы падпісалі міжурадавае пагадненне аб утрыманні пагранічных дарожных маставых аб'ектаў на беларуска-польскай дзяржаўнай граніцы. Дадзенае пагадненне заменіць дагавор, які быў заключаны яшчэ ў 1993 годзе. Праект Закона аб ратыфікацыі гэтага пагаднення быў адобраны на нядаўняй сесіі ў Савеце Рэспублікі.


— Самыя складаныя аб'екты дарожнай інфраструктуры — масты і пуцеправоды, — адзначыў намеснік міністра транспарту і камунікацый Андрэй Іваноў. — У нашым выпадку яны да таго ж знаходзяцца ў пагранічнай паласе. Але ад іх функцыянавання наўпрост залежаць сувязі паміж дзвюма краінамі. Дарожныя службы скіраваны на якаснае ўтрыманне мастоў і пуцеправодаў і ліквідоўваюць праблемы, якія ўзнікаюць, у самы кароткі час. Але з абодвух бакоў работы на мастах праводзяцца ў розны час, што негатыўна ўплывае на хуткасць і бяспеку дарожнага руху. Новае пагадненне павінна вырашыць гэтую праблему. Пасля яго ратыфікацыі на беларуска-польскай дзяржаўнай граніцы абодва бакі будуць утрымліваць па тры масты.

Валяр'ян ШКЛЕННІК

Загаловак у газеце: Кожнаму па тры масты

Выбар рэдакцыі

Грамадства

Як сапраўдныя мужыкі засвойваюць «жаночую» справу

Як сапраўдныя мужыкі засвойваюць «жаночую» справу

У апошнія гады тэма раўнапраўя паміж мужчынамі і жанчынамі перажывае новую хвалю росквіту.

Культура

Згадкі пра Аркадзя Куляшова

Згадкі пра Аркадзя Куляшова

Гісторыя аднаго выступлення.