Факт незаконнага дзеяння быў зафіксаваны 24 студзеня беларускімі пагранічнікамі ва ўзаемадзеянні з падраздзяленнямі Ваенна-паветраных Сіл і войскаў супрацьпаветранай абароны. Парушэнне адбылося ў паветранай прасторы беспілотным лятальным апаратам, які быў прымушаны да пасадкі падраздзяленнямі супрацьпаветранай абароны беларускай арміі. Факт запуску беспілотніка з тэрыторыі Украіны пацвердзіўся ў выніку аналізу інфармацыі, якая ўтрымліваецца на бартавой апаратуры лятальнага апарата.
Устаноўлена, што беспілотны лятальны апарат быў запушчаны ў раёне в. Пішча Ковельскага раёна Валынскай вобласці ў 1,7 км ад мяжы з нашай краінай. Пасля набору працоўнай вышыні апарат перасёк дзяржаўную граніцу з Беларуссю ў раёне в. Хмелішча Маларыцкага раёна і, у адпаведнасці з палётным заданнем, накіраваўся ў раён дыслакацыі палігона «Брэсцкі».
У сувязі з гэтым інцыдэнтам у беларускае абароннае ведамства быў выкліканы ваенны аташэ па пытаннях абароны пры Пасольстве Украіны ў Рэспубліцы Беларусь, якому была ўручана нота пратэсту ў сувязі з частымі выпадкамі парушэння дзяржаўнай граніцы Беларусі з боку Украіны. Акрамя таго, прадстаўніку ваеннага ведамства Украіны было заяўлена аб неабходнасці правядзення разбіральніцтва па даным факце, аб выніках якога павінна быць праінфармавана беларускае ваеннае ведамства.
Вераніка КАНЮТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
