Вы тут

Ігар Шуневіч сышоў з пасады міністра ўнутраных спраў


Аб гэтым рашэнні ён паведаміў журналістам па выніках сустрэчы з Прэзідэнтам Беларусі.


«Сёння я звярнуўся да кіраўніка дзяржавы з рапартам аб адстаўцы, і ён гэтую адстаўку прыняў, – сказаў Ігар Шуневіч. – Так што, спадзяюся на тое, што я змагу яшчэ прынесці карысць нашай дзяржаве ў іншай пасадзе або на іншай працы».

«У чым прычына такога рашэння?» – пацікавіліся журналісты.

«Па-першае, пройдзены вельмі доўгі і складаны шлях працы ў міністэрстве, многае зроблена. І ў нейкі момант я пачаў разумець, што трэба забяспечваць пэўную дынаміку, пераемнасць, хуткасць і эфектыўнасць рашэнняў. І гэта досыць складана – быць актуальным. Па-першае, патрэбен свежы погляд на працу міністэрства. Па-другое, на самай справе, ужо думаючы пра сваю эфектыўнасць, я лічу, што напэўна прыйшоў час змяніць род дзейнасці. Усё-такі дастаткова доўга я ўжо знаходжуся на пасадзе міністра. Можа, вока замылілася, можа быць, мне сапраўды трэба паспрабаваць нешта іншае. Гэта адзіная матывацыя, я яе выклаў кіраўніку дзяржавы, кіраўнік дзяржавы з гэтым пагадзіўся. Адзінае, што магу сказаць: калі будзе магчымасць, я, вядома ж, працягну працу праз некаторы час», – сказаў зараз ужо былы міністр унутраных спраў.

Ён назваў гэтае рашэнне вывераным, правільным і своечасовым. «Таму жыццё працягваецца, жаданне і магчымасць працаваць ёсць. Суперэкстраардынарнага ў гэтай сітуацыі я не бачу абсалютна нічога. Усё развіваецца па спіралі», – адзначыў Ігар Шуневіч.

«Сядзець склаўшы рукі я дакладна не буду, але, яшчэ раз падкрэсліваю, спадзяюся быць карысным дзяржаве на любой пасадзе», – дадаў ён.

На пытанне аб тым, ці захаваў ён пасаду старшыні назіральнага савета ХК «Дынама-Мінск», Ігар Шуневіч сказаў «пакуль так».

Уладзіслаў ЛУКАШЭВІЧ

Фота БЕЛТА

Выбар рэдакцыі

Грамадства

Мінчанка трымае ў аднапакаёвай кватэры жывога пітона

Мінчанка трымае ў аднапакаёвай кватэры жывога пітона

У Машы Афанасій жыве каля года. Такі незвычайны падарунак ёй зрабіў сябар.

Грамадства

Удзельнікі праекта «Настаўнік для Беларусі» стануць «свежым ветрам» у педкалектыве

Удзельнікі праекта «Настаўнік для Беларусі» стануць «свежым ветрам» у педкалектыве

1 верасня ў беларускія школы ў невялікіх населеных пунктах прыйдуць 12 крэатыўных і неабыякавых педагогаў, якія павінны ўдыхнуць у іх новае жыццё.

Эканоміка

Зменіцца парадак прыняцця рашэнняў у сумесных домаўладаннях

Зменіцца парадак прыняцця рашэнняў у сумесных домаўладаннях

Гэта прадугледжана новай рэдакцыяй Жыллёвага кодэкса, якая была прынята сёлета ў пачатку мая, а ўступіць у сілу з 1 студзеня наступнага года.