Вы тут

Свабодных квіткоў усё менш!


Да старту ІІ Еўрапейскіх гульняў засталося крыху больш за месяц. Яшчэ ў красавіку арганізатары паведамлялі: продажы ідуць бадзёра, вольных месцаў усё менш і менш. Таму аматарам спорту і відовішчаў, якія дагэтуль не набылі квіткі, варта паспяшацца.


Іх можна набыць у пунктах продажу партнёрскай сеткі Ticketpro альбо на сайце minsk2019.ticketpro.by. На спецыяльнай старонцы ў рэжыме анлайн можна выбраць дату, від спорту і месцы на спартыўнай арэне. Пры гэтым арганізатары адзначаюць, што віртуальную версію білета можна абмяняць у пунктах продажу на маляўнічую папяровую.

Асобную білетную праграму склалі для балельшчыкаў з абмежаванымі магчымасцямі. Набыць квіток на спецыяльна падрыхтаваныя для гэтых мэтаў месцы можна са значнай зніжкай. Пры гэтым на ўваходзе ў арэну папросяць пасведчанне аб інваліднасці.

Кошт квіткоў залежыць ад віду спорту і ўзроўню спаборніцкай сесіі. Але самых танных квіткоў — па 5-10 рублёў — проста зараз знайсці ўжо вельмі цяжка. Таму прыйдзецца раскашэліцца ледзь больш. Ужо дакладна вядома, што фінальныя спаборніцтвы самых рэйтынгавых відаў спорту збяруць аншлаг: ніводнага свабоднага квітка на дадзены момант не засталося.

Не выключана, што пэўная іх колькасць яшчэ можа стаць даступнай пасля таго, як з іх будзе знятая бронь.

Пры гэтым кожны жадаючы ўсё яшчэ можа стаць часткай маляўнічага і маштабнага шоу падчас Цырымоній адкрыцця і закрыцця. Сустрэча галоўнага спартыўнага свята года пацягне на 150-300 рублёў. Развітацца з ім будзе ўдвая танней — 70-150 рублёў.

Дзмітрый СУГАНЯЕЎ

Выбар рэдакцыі

Грамадства

Што трэба, каб пражыць даўжэй?

Што трэба, каб пражыць даўжэй?

Герыятр распавядае пра сакрэты доўгажыхароў і тое, што падаўжае наша жыццё.

Культура

«Беларусьфільм» паказаў свой найцікавейшы фільм за апошні час. Ён пра вайну

«Беларусьфільм» паказаў свой найцікавейшы фільм за апошні час. Ён пра вайну

«Як думаеш, а заўтра нехта пра нас успомніць?» — пытаецца на вялікім экране адзін ветэран у другога і атрымлівае абнадзейлівы адказ. 

Спорт

З агнём Еўрапейскіх гульняў карэспандэнт «Звязды» адправілася ў кар’еры

З агнём Еўрапейскіх гульняў карэспандэнт «Звязды» адправілася ў кар’еры

Сярод 450 шчасліўчыкаў, якім даверана несці факел з агнём ІІ Еўрапейскіх гульняў, аказалася наша Дар'я Лабажэвіч.

Грамадства

Будні сельскага ўрача

Будні сельскага ўрача

З якімі наступствамі аптымізацыі прыходзіцца яму сутыкацца падчас работы.