Вы тут

Адкрыўся першы пускавы комплекс Навукова-практычнага цэнтра біятэхналогій


У першы дзень вясны адбылася ўрачыстая цырымонія адкрыцця першага пускавога комплексу Навукова-практычнага цэнтра біятэхналогій у Інстытуце мікрабіялогіі Нацыянальнай акадэміі навук Беларусі.


Удзел у ёй прыняў старшыня Савета Рэспублікі Нацыянальнага сходу Рэспублікі Беларусь Міхаіл Мясніковіч, паведамляе прэс-служба верхняй палаты беларускага парламента.

Праектная магутнасць комплексу — 20 тон сухіх прабіятычных прэпаратаў на год. У будучыні тут плануецца запусціць другі пускавы комплекс, дзе штогод будуць выпускаць 56 тон вадкіх комплексных мікробных прэпаратаў для раслінаводства.

Як растлумачыла дырэктар інстытута Эмілія Каламіец, вытворчасць такога аб'ёму прабіётыкаў у кормавытворчасці забяспечыць атрыманне звыш 40 тысяч тон высакаякасных збалансаваных айчынных кармоў для буйной рагатай жывёлы, птушкі, каштоўных відаў рыб. Эканамічны эфект ад выкарыстання інавацыйнай прадукцыі ацэньваецца ў суму каля 10 мільёнаў рублёў у год.

Новы цэнтр будзе садзейнічаць насычэнню ўнутранага рынку канкурэнтаздольнай экалагічна бяспечнай біятэхналагічнай прадукцыяй, пашырэнню яе асартыменту, павышэнню экспартнага патэнцыялу. Паводле экспертных ацэнак, сусветны рынак біятэхналогій да 2025 года дасягне 2 трыльёнаў долараў ЗША.

У сваю чаргу старшыня Савета Рэспублікі адзначыў, што новы цэнтр — гэта не толькі доследная, але і прамысловая вытворчасць, дзе будуць выпускаць інавацыйную прадукцыю, запатрабаваную на ўнутраным рынку.

— Нам неабходна прырастаць такімі вытворчасцямі, якія забяспечваюць рост ВУП і павышэнне дабрабыту людзей. Развіццё біятэхналогій — адзін з перспектыўных напрамкаў, — падкрэсліў ён.

Сёння Нацыянальная акадэмія навук робіць стаўку на развіццё такіх сучасных цэнтраў.

— НАН фактычна з'яўляецца буйной навукова-вытворчай карпарацыяй, якая забяспечвае поўны тэхналагічны цыкл — ад фундаментальных прыкладных даследаванняў да вытворчасці інавацыйнай прадукцыі і яе рэалізацыі, — дадаў Міхаіл Мясніковіч.

Дарэчы, тут працуюць 15,5 тысячы чалавек, з іх 5,6 тысячы — даследчыкі, астатнія задзейнічаны ў навукова-вытворчым цыкле.

Фота sovrep.gov.by

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.