Вы тут

На БЧ пачаў работу адзіны Кантакт-цэнтр


Яго адкрыццё адбылося ў ліпені 2018 года ў Магілёве. Работы па далучэнні да адзінага нумара 105 абласцей Беларусі працягваліся да цяперашняга часу. На завяршальным этапе на абслугоўванне Кантакт-цэнтрам пераведзены абаненты Мінска. Цяпер паведамленне даведачнай інфармацыі, браніраванне месцаў у пасажырскіх цягніках на тэрыторыі ўсёй краіны ажыццяўляюцца для абанентаў усіх аператараў сувязі.


Як расказалі ў прэс-цэнтры магістралі, спецыялісты Кантакт-цэнтра аказваюць садзейнічанне ў вырашэнні пытанняў, звязаных з абслугоўваннем кліентаў на вакзалах і ў пасажырскіх цягніках (для вырашэння пытання неабходна накіраваць запыт па электроннай пошце braіl@rw.by або запоўніць форму «Задаць пытанне спецыялісту Кантакт-цэнтра» на сайце http://rw.by). Таксама ажыццяўляюць падтрымку карыстальнікаў Сістэмы продажу праз інтэрнэт (па электроннай пошце braіl@rw.by і раздзел «Зваротная сувязь» на сайце http://poezd.rw.by), арганізуюць аказанне сітуацыйнай дапамогі асобам з абмежаванымі фізічнымі магчымасцямі па тэлефонах: (+37529) 7392547 (МТС), (+37529) 6592547 (velcom), (+37525) 7392547 (Lіfe), (+37522) 2392547 («Белтэлекам») і электроннай пошце braіl@rw.by.

Пры звароце ў Кантакт-цэнтр спажыўцы змогуць атрымаць адказ па самым шырокім коле пытанняў даведачнага характару.

Работа Кантакт-цэнтра на працягу 2018 года ўжо атрымала станоўчыя водгукі і прадэманстравала высокія паказчыкі якасці абслугоўвання кліентаў. За гэты перыяд па ўсіх каналах абслугоўвання паступіла каля 1 мільёна 240 тысяч запытаў, пры гэтым сярэдні час чакання адказу аператара складаў не больш за 15 секундаў.

Сяргей РАСОЛЬКА

Выбар рэдакцыі

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Грамадства

«Прэферэнцыі, якія атрымалі вайскоўцы, абумоўлены выказанымі імі думкамі»

«Прэферэнцыі, якія атрымалі вайскоўцы, абумоўлены выказанымі імі думкамі»

«Армія — школа мужнасці, грамадзянскасці і патрыятызму». Паводле сацыялагічнага апытання, з гэтым сцвярджэннем згодны 86 п

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.