Вы тут

У Бярозаўскім раёне пад лёд праваліліся чатыры чалавекі


Зранку ў аўторак стала вядома, што напярэдадні вечарам у Бярозаўскім раёне пад лёд праваліліся чатыры чалавекі. На возера з сімвалічнай назвай Чорнае на зімовую рыбалку накіраваліся чацвёра мужчын з райцэнтра. Як стала вядома пазней, адзін з іх праваліўся пад лёд. Трое таварышаў паспяшаліся прыйсці на дапамогу і трапілі ў ледзяны палон самі.


Відавочцы выклікалі ратавальнікаў. Дваіх з пацярпелых супрацоўнікі МНС паспелі выцягнуць на бераг. 49-гадовы жыхар Бярозы выжыў і быў дастаўлены ў рэанімацыю. На год старэйшы яго таварыш быў ужо мёртвы, першая дапамога на месцы, на жаль, не мела вынікаў. Двое астатніх пайшлі пад лёд. Іх целы цяпер шукаюць вадалазы Таварыства выратавання на водах. Гаворка ідзе пра 48-гадовага і 59-гадовага мужчын.

Аўтар гэтых радкоў у панядзелак была ў камандзіроўцы ў Бярозаўскім раёне. Мы праязджалі недалёка ад Чорнага возера, спыняліся побач з больш знакамітым — Спораўскім возерам. І бачылі, як па лёдзе ходзяць людзі. Як высветлілася, гэта былі арандатары, што займаюцца ловам рыбы.

А баяцца, як бачна, варта. Пазаўчора на Бярозаўшчыне было 9 градусаў цяпла, снегу нідзе ні крошкі, першыя крокусы павылазілі, кляновы сок пайшоў. Які ж трэба мець азарт да рыбалкі, каб так ігнараваць уласную бяспеку! І галоўнае, што чужыя трагедыі не вучаць іншых. На мінулым тыдні ў Кобрынскім раёне чалавек праваліўся пад лёд, на шчасце, яго выратавалі. А ў Столінскім да гэтай пары шукаюць цела пасажыра аэраглісера, які перакуліўся... Тым часам яшчэ з 18 лютага была ўстаноўлена забарона выхаду на лёд у Брэсцкай вобласці.

Святлана ЯСКЕВІЧ

Загаловак у газеце: Трагедыя на Чорным возеры

Выбар рэдакцыі

Грамадства

Як адбываюць пакаранне асуджаныя да абмежавання волі «ў хатніх умовах»

Як адбываюць пакаранне асуджаныя да абмежавання волі «ў хатніх умовах»

«Хатняя хімія» — гэта турма, толькі на свабодзе», — з сарказмам кажуць самі асуджаныя пра абмежаванне волі без накіравання ў папраўчую ўстанову.

Здароўе

​Як абараніць сябе ад кардыялагічных праблем у халодны перыяд?

​Як абараніць сябе ад кардыялагічных праблем у халодны перыяд?

Менавіта зімой павялічваецца колькасць інфарктаў і павышаецца артэрыяльны ціск.

Культура

Успаміны пра Яўгенію Янішчыц

Успаміны пра Яўгенію Янішчыц

Піша Зіновій Прыгодзіч.

Грамадства

У 2023 годзе з'явяцца квоты на рабочыя месцы для людзей з інваліднасцю

У 2023 годзе з'явяцца квоты на рабочыя месцы для людзей з інваліднасцю

У Беларусі на сённяшні дзень звыш 570 тысяч чалавек маюць інваліднасць.