Вы тут

Як Маладзёжная палата Саюзнай дзяржавы спрыяе збліжэнню краін


Маладзёжная палата пры Парламенцкім сходзе распрацуе праект Стратэгіі развіцця маладзёжнай інтэграцыі Саюзнай дзяржавы.


На 55-й сесіі Парламенцкага сходу, якая прайшла ў канцы мінулага года, парламентарыі разгледзелі пытанне «Аб дзейнасці Маладзёжнай палаты пры Парламенцкім сходзе Саюза Беларусі і Расіі». Аб гэтым паведамляе афіцыйны рэсурс Парламенцкага сходу Саюза Беларусі і Расіі.

З інфармацыяй аб выніках працы ў 2018 годзе і аб плане работы на 2019 год дэпутатаў пазнаёміла старшыня Маладзёжнай палаты пры Парламенцкім сходзе Саюза Беларусі і Расіі Алена Яракіна. Дэпутаты Парламенцкага сходу пагадзіліся з асноўнымі напрамкамі дзейнасці Маладзёжнай палаты, а таксама планам работы моладзі ў 2019-м.

У адпаведнасці з гэтым дакументам члены Маладзёжнай палаты распрацуюць Стратэгію развіцця маладзёжнай інтэграцыі Саюзнай дзяржавы, правядуць маніторынг нарматыўна-прававой базы, якая закранае інтарэсы моладзі, прымуць удзел у распрацоўцы рэкамендацый па рэгуляванні і развіцці дзейнасці ў сферы маладзёжнага парламентарызму, арганізуюць правядзенне сацыялагічнага даследавання сярод моладзі Саюзнай дзяржавы, выпрацуюць прапановы па стварэнні маладзёжнай інтэрнэт-платформы.


У Маскве ў выдавецкім доме «Камсамольская праўда» прайшло пасяджэнне камісіі Маладзёжнай палаты пры Парламенцкім сходзе Саюза Беларусі і Расіі. На сустрэчы абмяркоўваліся пытанні інфармацыйнай палітыкі і развіцця інфармацыйных тэхналогій у Саюзнай дзяржаве, перадае тэлеканал «БелРос».

Яе ўдзельнікі закранулі праблему пазнавальнасці гэтага аб'яднання сярод жыхароў дзвюх краін. Асобна разгледзелі прынцыпы стварэння маладзёжнай інтэрнэт-платформы, якая дазволіла б вызначаць найбольш актыўных удзельнікаў мерапрыемстваў для грамадзян Беларусі і Расіі. Канцэпцыя прадугледжвае сістэму бонусаў для ўдзельнікаў.

«Цяпер на камісіі мы абмяркоўвалі праект стварэння інтэрнэт-платформы па схеме перадачы вопыту ад маладых спецыялістаў. Мы будзем браць двух спецыялістаў з дзвюх краін і параўноўваць, як яны дамагліся поспеху», — адзначыў член камісіі Сяргей Надольскі.

Абмеркавалі на сустрэчы і праект Стратэгіі развіцця маладзёжнай інтэграцыі Саюзнай дзяржавы. Парламентарыі падкрэслілі: пры распрацоўцы дакумента ў ім павінны быць улічаны пытанні эканамічнай палітыкі. Пагаварылі і пра вынікі працы Маладзёжнай палаты ў 2018 годзе. «Безумоўна, тое, што мы сёння выйшлі на распрацоўку канцэптуальных стратэгічных дакументаў па ініцыятыве самой моладзі, і тое, што гэтая ініцыятыва знайшла сваё замацаванне ў выніковых дакументах Форуму рэгіёнаў, — гэта пэўны вынік. Тое, што мы сёння эфектыўна ўзаемадзейнічаем з грамадскімі арганізацыямі дзвюх краін, — гэта таксама вынік. Вядома, за гэтыя паўгода (што існуе палата. — «МС») мы пакуль наладжваем унутраную структуру, пакуль неабходна выбудаваць арганізацыйныя пытанні», — адзначыў намеснік старшыні Маладзёжнай палаты Ягор Макарэвіч.

Выбар рэдакцыі

Калейдаскоп

Вясёлыя гісторыі чытачоў

Вясёлыя гісторыі чытачоў

Галаву можна вешаць, ламаць, сушыць, намыльваць... Але не губляць!

Грамадства

Як шматдзетная сям’я будуе жыллё з дапамогай дзяржаўнай субсідыі

Як шматдзетная сям’я будуе жыллё з дапамогай дзяржаўнай субсідыі

Святлана, шматдзетная мама з вёскі Чарнаўчыцы, што пад Брэстам, падзялілася гісторыяй іх сям'і і дома.

Грамадства

Камень Узнясення, «Стопачка» і «Руская свечка». Што паглядзець у Іерусаліме?

Камень Узнясення, «Стопачка» і «Руская свечка». Што паглядзець у Іерусаліме?

Аўтобусы з паломнікамі і турыстамі ніколі не праязджаюць міма гэтых знакавых, і не толькі для хрысціян, святынь.