Вы тут

Высвятляюцца прычыны жорсткага забойства дзвюх жанчын у Бабруйску


У Бабруйску працягваецца расследаванне жахлівага злачынства, ахвярамі якога сталі дзве маладыя жанчыны 26 і 27 гадоў.


Як спачатку паведамлялася на сайце УУС Магілёўскага аблвыканкама, дзяўчаты былі знойдзены мёртвымі ў кватэры 36-гадовага бабруйчаніна, раней судзімага. Яны пазнаёміліся з мужчынам у кавярні, потым на таксі адправіліся да яго дамоў. Невядома, як развіваліся падзеі, але а 7-й гадзіне раніцы на кароткі нумар 102 ад адной з сябровак паступіў сігнал з просьбай аб дапамозе. На жаль, яна не змагла дакладна паведаміць, па якім адрасе іх шукаць. Тыя каардынаты, якія называла няшчасная, аказаліся не зусім дакладнымі. Калі аператыўнікі, нарэшце, выйшлі на забойцу, жанчынам ужо нельга было дапамагчы. Як удакладніла афіцыйны прадстаўнік Следчага Камітэта Рэспублікі Беларусь Юлія ГАНЧАРОВА, яны былі знойдзены ў ванным пакоі бабруйчаніна з рознымі колата-рэзанымі ранамі. Самога ж гаспадара кватэры затрымалі на вуліцы. Ён быў у нецвярозым стане.

— Следча-аператыўная група, спецыялісты цэнтральнага апарата Следчага камітэта, а таксама перасовачна-крыміналістычная лабараторыя працавалі на месцы падзей на працягу трох сутак, — удакладніла Юлія Ганчарова. — 36-гадовы бабруйчанін падазраецца ў здзяйсненні злачынства, прадугледжанага часткай 2 артыкула 139 Крымінальнага кодэкса Рэспублікі Беларусь. Рыхтуюцца матэрыялы для прад'яўлення яму абвінавачання, праводзяцца следчыя дзеянні, у тым ліку і з падазраваным. Мужчына дае паказанні, дапытваюцца сведкі, назначаны шэраг экспертных даследаванняў, каб высветліць матыў і абставіны здзяйснення злачынства.

Мужчыну пагражае пакаранне ў выглядзе пазбаўлення волі на тэрмін ад васьмі да дваццаці пяці гадоў, або пажыццёвае зняволенне, або смяротнае пакаранне.

Нэлі ЗІГУЛЯ

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.