21 верасня, панядзелак

Вы тут

Мар'яна Шчоткіна сустрэлася з будучымі педагогамі


У сераду, 13 чэрвеня, па запрашэнні студэнтаў Беларускага дзяржаўнага педагагічнага ўніверсітэта імя Максіма Танка намеснік старшыні Савета Рэспублікі Нацыянальнага сходу Беларусі, нацыянальны каардынатар па дасягненні Мэт устойлівага развіцця Мар'яна Шчоткіна сустрэлася з будучымі педагогамі.


— Ніводная добрая справа без моладзі ніколі не будзе зроблена, — растлумачыла віцэ-спікер верхняй палаты беларускага парламента журналістам мэту сустрэчы. — Крэатыўнасць, творчы патэнцыял, актыўнасць моладзі павінны быць уцягнутыя ў рэчышча жыцця. Зараз распрацоўваецца праект Нацыянальнай стратэгіі ўстойлівага развіцця да 2035 года, і, канешне, тыя думкі, тыя ідэі, тыя асноўныя стратэгічныя палажэнні, якія павінны быць закладзеныя ў гэтую праграму, павінны ісці ад моладзі, ад людзей і мець на ўвазе павышэнне ўзроўню і якасці жыцця людзей. Пры распрацоўцы любой праграмы, стратэгіі, пры прыняцці любога рашэння галоўнае — чуць меркаванні, розныя, часам альтэрнатыўныя, бо ісціна заўсёды пасярэдзіне і будзе знойдзена кампрамісна, але абавязкова з удзелам не толькі выканаўчай і заканадаўчай улады, але і грамадскай супольнасці. Моладзь кажа адкрыта і смела тое, што думае. Таму гэты дыялог вельмі карысны, перш за ўсё для мяне і для ўсіх нас.

Нацыянальны каардынатар падкрэсліла, што роля будучых педагогаў вельмі важная для дасягнення ўсіх 17 Мэт устойлівага развіцця, бо ў кожнай з іх мае значэнне адпаведны ўзровень адукацыі як грамадства ў цэлым, так і тых, хто прымае рашэнні. Мар'яна Шчоткіна нагадала лозунг амерыканскага эколага Дэвіда Браўэра «Думаць глабальна, дзейнічаць лакальна». «Трэба перш за ўсё перабудоўваць сваю свядомасць на дасягненне ўстойлівасці: як спажываць рэсурсы, як ставіцца да прыроды, якім чынам кожны з нас асабіста можа ўздзейнічаць на тое, над чым працуе ўсё грамадства, — лічыць Мар'яна Шчоткіна. — На гэтай сустрэчы не проста студэнты, але — будучыя настаўнікі. Ад настаўніка залежыць вельмі шмат. Гэта аўтарытэт для дзіцяці. Вельмі важна, якія думкі ён будзе несці, якія каштоўнасці, традыцыі закладзе ў адукацыйны працэс. У час інтэрнэту масіў інфармацыі цалкам даступны, але трэба ўмець ім распараджацца і фарміраваць у сябе і ў навакольных духоўнасць і ашчадныя адносіны адзін да аднаго. А гэта закладаецца ў дзяцінстве».

Беларускі дзяржаўны педагагічны ўніверсітэт шмат робіць для таго, каб падрыхтаваць сваіх выпускнікоў для рэалізацыі Мэт устойлівага развіцця, паведаміў рэктар БДПУ Аляксандр Жук: «У нас створаны Каардынацыйны цэнтр «Адукацыя ў інтарэсах устойлівага развіцця», функцыянуюць дзве студэнцкія навукова-даследчыя лабараторыі. Мы правялі дэкаду «Адукацыя ў інтарэсах устойлівага развіцця» і рыхтуем яшчэ шэраг форумаў».

У гутарцы са студэнтамі нацыянальны каардынатар па дасягненні Мэт устойлівага развіцця падкрэслівала, што кожны чалавек індывідуальны, кожны мае ў сябе закладзеную геніяльнасць і можа ўплываць як на ўласнае будучае, так і на будучае ўсёй краіны і нават цывілізацыі. «Устойлівасць мае на ўвазе развіццё без шкоды для наступных пакаленняў. Мы павінны перадаць нашчадкам сваю краіну і планету ў стане не горшым, чым пры нашым спажыванні яе рэсурсаў», — тлумачыла яна важнасць разумення людзьмі іх укладу ў аблічча заўтрашняга дня.

Мар'яна Шчоткіна звярнула ўвагу на тое, што сёння самая галоўная пагроза — страта даверу паміж дзяржавамі, страта шчырасці. «Таму толькі салідарнасць, толькі партнёрства можа выратаваць свет у цэлым, бо гэта забяспечыць умовы для даверу», — казала яна маладым людзям.

Нацыянальны каардынатар расказала пра механізм кіравання працэсам па дасягненні Мэт устойлівага развіцця і заклікала моладзь удзельнічаць у партнёрскай групе, якая носіць адкрыты характар.

Вольга МЯДЗВЕДЗЕВА

Фота БелТА

Загаловак у газеце: Глабальны трэнд, у якім трэба ўдзельнічаць

Выбар рэдакцыі

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.