Знайсці адказы на свае жыллёвыя, працоўныя, сямейныя і іншыя пытанні, разабрацца ў праблемах прымусовага выканання судовых пастаноў і іншых выканаўчых дакументаў усе жадаючыя змогуць у Мінску 7 мая з 11 да 13 гадзін у Міністэрстве юстыцыі Беларусі.
Спецыялісты міністэрства разам з супрацоўнікамі Беларускай натарыяльнай палаты і Беларускай рэспубліканскй калегіі адвакатаў бясплатна пракансультуюць грамадзян па адрасу: г. Мінск, вул. Калектарная, 10.
Акцыя прымеркавана да 73-й гадавіны Перамогі ў Вялікай Айчыннай вайне. Ветэраны могуць звярнуцца за дапамогай і кансультацыяй па нумарам тэлефонаў 8 (017) 200 97 55 або 8 (017) 200 03 84. Папярэдне трэба пакінуць заяўку аб неабходнасці атрымання прававой дапамогі. Пры неабходнасці вырашыць пэўнае пытанне спецыялісты наведаюць іх дома.
У рэгіёнах краіны галоўныя ўпраўлені юстыцыі аблвыканкамаў, Мінскага гарвыканкаму правядуць такія ж акцыі па бясплатнаму кансультаванню з 3 па 8 мая.
Ірына СІДАРОК
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
