Вы тут

Пра родную мову можна гаварыць праз вышыванкі і жывапіс


Аказваецца, пра родную мову можна гаварыць праз вышыванкі і жывапіс. Такі падыход да таго, каб звярнуць увагу грамадскасці да Міжнароднага дня роднай мовы, у гэтым годзе быў знойдзены супрацоўнікамі Нацыянальнай бібліятэкі.


У межах святкавання гэтай важнай даты сумесна з грамадскім аб'яднаннем украінцаў «Ватра», мінскім грамадскім аб'яднаннем украінцаў «Заповіт» і таварыствам дружбы народаў «Беларусь — Украіна» «Нацыяналка» падрыхтавала прыгожы выставачны праект. Яго ідэя — паказаць багацце, прыгажосць і непаўторнасць беларускай і ўкраінскай моў, іх непарыўную сувязь з народнай творчасцю.

«Мова — душа народа» — не метафара, спрадвеку яна перадавалася праз песні і казкі, адлюстроўвала сувязь чалавека і навакольнага свету. Так і з вышыванкамі: жанчыны праз каляровыя ўзоры на белай тканіне таксама размаўлялі, дзяліліся пачуццямі. І як у кожным рэгіёне розняцца арнаменты, так і з гаворкай людзей. «Літаратурная мова, філолагі ведаюць, — мёртвая. Мова жывая ў дыялектах, дзе па-іншаму вымаўляецца нейкі гук, дзе пануюць адметныя словы. І таму ў кожнай мясцовасці яна пачынае гучаць інакш», — заўважыў намеснік дэкана па навуковай рабоце філалагічнага факультэта БДУ Павел НАВОЙЧЫК падчас адкрыцця выстаўкі «Маляўнічыя арнаменты родных моў».

А можа, сапраўды, калі мы хочам, каб часцей гучала родная мова, павінны яе падаваць новаму пакаленню праз нашу багатую, цікавую культуру, уводзіць у дзіцячы і маладзёжны асяродак разам з нацыянальнымі гульнямі і спевамі, традыцыйнымі рамёствамі і тымі ж вышыванкамі?

Алена ДЗЯДЗЮЛЯ

Загаловак у газеце: Маляўнічы шлях да роднай мовы

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.