У Пружанскім раёне пры пажары загінуў школьнік, паведаміў афіцыйны прадстаўнік Брэсцкага абласнога ўпраўлення МНС Сяргей Машноў.
Трагедыя здарылася каля шасці гадзін вечара 17 лютага ў вёсцы Сяменча-2. Пажар адбыўся ў блокавым доме, які належыць мясцоваму сельгаспрадпрыемству. Агнём пашкоджаны перакрыцце столі, маёмасць, закураны сцены і столь у памяшканні топачных. Там жа было знойдзена цела загінулага хлопчыка 2005 года нараджэння.
Вядома, што школьнік у той момант быў адзін дома. Яго брат і сястра знаходзіліся на вуліцы, бацькі - на працы.
Прычына пажару высвятляецца. Па адной з версій, ён мог адбыцца з-за неасцярожнага абыходжання з агнём. Праверку праводзяць супрацоўнікі Следчага камітэта.
Сумесныя праекты ядзерных тэхналогій.