24 Верасень, панядзелак

Вы тут

5 фактаў пра фрыстайлістку Ганну Гуськову


Сёння ў Беларусі з'явілася першае золата Алімпіяды 2018. Яго заваявала 25-гадовая фрыстайлістка Ганна Гуськова. Расказваем цікавыя факты пра яе.


Фота: БЕЛТА

Фрыстайлам Ганна Гуськова пачала займацца з сямі гадоў. Такі экстрэмальны від спорту выбралі для яе бацькі. Лыжная акрабатыка настолькі захапіла дзяўчынку, што мары стаць фатографам ці журналістам адышлі на другі план.

Фота: vk.com

На Кубку Еўропы Гуськова дэбютавала ў 15 гадоў, на Кубку свету - у 17. Першы сур'ёзны поспех у кар'еры адбыўся ў 2012 годзе - "серабро" на юніёрскім чэмпіянаце свету.

Фота: vk.com

Амаль увесь мінулы сезон Ганна прапусціла з-за траўмы. На трэніроўцы дзяўчына няўдала прызямлілася і пашкодзіла меніск - прыйшлося класціся на аперацыю. Гэта быў не першы раз, калі праблемы са здароўем перашкаджалі фрыстайлістцы: некалькі гадоў таму яна лягла пад нож з-за разрыву пярэдняй крыжападобнай звязкі калена.

Фота: REUTERS

Алімпіяда ў Сочы стала для Гуськовай дэбютнай і склаліся вельмі няўдала. З-за падзення барацьбу за ўзнагароды Ганна спыніла яшчэ на стадыі кваліфікацыі. У Пхёнчхане ад новага лідара зборнай Беларусі чакаюць медалёў не толькі на радзіме. Напрыклад, амерыканскае агенцтва навінаў The Associated Press прагназавала беларусцы "серабро".

Фота: БЕЛТА

Цяперашні сезон для Гуськовай складваўся вельмі ўдала - значна больш паспяхова, чым усе папярэднія. У Кітаі яна атрымала першую перамогу на этапах Кубка свету, а ў ЗША выйграла "серабро". У генеральнай класіфікацыі дзяўчына заняла рэкорднае для сябе другое месца, крыху саступіўшы кітаянцы Сюй Мэнтао.

by.tribuna.com

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.